༄༅། །ཕྱི་ལོ་ ༢༠༢༢ ཟླ་ ༧ ཚེས་ ༢༢ ཉིན་རྒྱ་གར་དབུས་འབྲིང་རིམ་ཤེས་ཡོན་ལྷན་ཚོགས་ (CBSE) ཀྱི་འཛིན་རིམ་བཅུ་པ་དང་བཅུ་གཉིས་ཀྱི་རྒྱལ་ཡོངས་ཡིག་རྒྱུགས་ཆེན་མོའི་གྲུབ་འབྲས་རྒྱ་གར་དབུས་འབྲིང་རིམ་ཤེས་ཡོན་ལྷན་ཚོགས་ཀྱི་དྲ་ཚིགས་སྟེང་གསལ་བསྒྲགས་གནང་ཡོད་པ་དང་། འདི་ལོའི་རྒྱ་གར་རྒྱལ་ཡོངས་འབྲིང་རིམ་སློབ་གྲྭའི་ཡིག་རྒྱུགས་ཆེན་མོའི་ (AISSCE)  ནང་བོད་པའི་སློབ་གྲྭ་ཁག་ ༡༦ ནས་འཛིན་རིམ་བཅུ་གཉིས་ཀྱི་སློབ་ཕྲུག་གྲངས་ ༡༠༢༧ འཛུལ་ཞུགས་བྱས་ཡོད་པའི་ཁོངས་ནས་སློབ་ཕྲུག་གྲངས་ ༩༩༧ ཡིག་རྒྱུགས་འཕྲོད་ཡོད་པ་དང་། རྒྱུགས་འཕྲོད་པའི་སྤྱི་ཡོངས་ཀྱི་བརྒྱ་ཆ་ ༩༧.༠༨ ཡིན་ཞིང་། ཆ་སྙོམས་ཀྱི་བརྒྱ་ཆ་ ༧༣.༤༨ ཟིན་ཡོད།

དེ་བཞིན་རྒྱ་གར་རྒྱལ་ཡོངས་འབྲིང་རིམ་སློབ་གྲྭའི་ཡིག་རྒྱུགས་ཆེན་མོའི་ནང་བོད་པའི་སློབ་གྲྭ་ཁག་ ༢༧ ནས་འཛིན་རིམ་བཅུ་པའི་སློབ་ཕྲུག་གྲངས་ ༡༡༨༨ འཛུལ་ཞུགས་བྱས་ཡོད་པའི་ཁོངས་ནས་སློབ་ཕྲུག་གྲངས་ ༡༡༡༧ ཡིག་རྒྱུགས་འཕྲོད་ཡོད་པ་དང་། རྒྱུགས་འཕྲོད་པའི་སྤྱི་ཡོངས་བརྒྱ་ཆ་ ༩༤.༠༢ ཡིན་ཞིང་། ཆ་སྙོམས་ཀྱི་བརྒྱ་ཆ་ ༦༣.༡༤ ཟིན་ཡོད། འདི་ལོའི་སྲིད་སྐྱོང་སློབ་ཡོན་བཞེས་མཁན་སྦེལ་ཀོབ་སཾ་བྷོ་ཊ་སློབ་གྲྭའི་སློབ་མ་བསྟན་འཛིན་འོད་ཟེར་ལགས་བརྒྱ་ཆ་ ༩༥.༢ དང་། རྡ་སྟེང་བོད་ཁྱིམ་སློབ་གྲྭའི་སློབ་མ་བསྟན་འཛིན་ཆོས་སྒྲོན་ལགས་བརྒྱ་ཆ་ ༩༥ ལོན་ཡོད།

ཕྱི་ལོ་ ༢༠༢༢ ལོའི་དགའ་ལྡན་ཕོ་བྲང་གི་སློབ་ཡོན་བཞེས་མཁན་སློབ་མ་རྣམས་ཀྱི་མཚན་གཞུང་གཤམ་གསལ་ལྟར་ཡིན།

༡། སྒྱུ་རྩལ་སྡེ་ཚན།

༢། ཚན་རིག་སྡེ་ཚན།

༣། ཚོང་རིག་སྡེ་ཚན།

ཏོག་དབྱིབས་གཉན་རིམས་ཀྱི་གནས་སྟངས་འོག་འཛིན་རིམ་བཅུ་པ་དང་བཅུ་གཉིས་ཀྱི་སློབ་ཕྲུག་དང་འབྲེལ་ཡོད་དགེ་རྒན་རྣམས་ནས་དཀའ་ངལ་ལ་གདོང་ལེན་གནང་སྟེ། ཡིག་རྒྱུགས་གྲུབ་འབྲས་གང་ལེགས་ཐོན་པར་ཤེས་རིག་ལས་ཁུངས་ཀྱི་ངོས་ནས་འབྲེལ་ཡོད་ཚང་མར་འཚམས་འདྲི་དང་སློབ་ཐོན་སློབ་ཕྲུག་ཡོངས་ལ་མ་འོངས་ལས་དོན་རྣམས་ལམ་ལྷོངས་ཡོང་བའི་སྨོན་འདུན་ཞུ་རྒྱུ་བཅས། །