ཟླ་རེའི་གསར་འགྱུར།

ཕྱི་ལོ་ ༢༠༢༤ ལོའི་ཡིག་འགྲུལ་གྱི་ལམ་ནས་མཐོ་རིམ་སློབ་ཡོན་གསལ་བསྒྲགས།

གསར་འཕྲིན།, སློབ་ཡོན་གསལ་བརྡ།

༄༅། །བོད་མིའི་སྒྲིག་འཛུགས་ཤེས་རིག་ལས་ཁུངས་ནས་ཡིག་འགྲུལ་གྱི་ལམ་ནས་སློབ་གཉེར་བྱ་རྒྱུའི་ཆེད་སློབ་ཡོན་ས་མིག་གྲངས་ ༧༥ ཡོད་པའི་གསལ་བསྒྲགས་ཞུ་རྒྱུར། སློབ་ཡོན་འདི་བཞིན་བོད་མིའི་སྒྲིག་འཛུགས་ཁྱབ་ཁོངས་དབུས་ས་གཉིས་ཀྱི་ལས་བྱེད་དང་། བོད་མིའི་སྒྲིག་འཛུགས་ཁྱབ་ཁོངས་སློབ་གྲྭ་ཁག་གི་དགེ་རྒན། ས་རཱ་མཐོ་སློབ་དང་ནོར་གླིང་རིག་གཞུང་སློབ་གཉེར་ཁང་གི་སློབ་ཕྲུག འཛིན་རིམ་བཅུ་གཉིས་ཐོན་རྗེས་མུ་མཐུད་མཐོ་སློབ་ཏུ་བསྐྱོད་རྒྱུའི་གོ་སྐབས་མ་ཐོབ་པའི་རང་རིགས་ན་གཞོན་རྣམས་ལ་སོ་སོའི་ཤེས་ཚད་གོང་མཐོར་གཏོང་ཐབས་ཆེད་ཡིན། སློབ་ཡོན་ཞུ་འདོད་ཡོད་རིགས་ནས་ཕྱི་ལོ་ ༢༠༢༤ ཟླ་ ༨ ཚེས་ ༣༡ འགྱངས་མེད་གཤམ་གསལ་འབྲེལ་ཐག་བརྒྱུད་འཚང་སྙན་དང་དགོས་མཁོའི་ཡིག་ཆ་ཁག་དྲ་ཐོག་ནས་འབུལ་དགོས།

དྲ་ཐོག་འཚང་སྙན་འགེངས་ཤོག་དྲ་ཐག་

འགེངས་ཤོག་ཀ་པ་ཕབ་ལེན།

དགོས་མཁོའི་ཡིག་ཆ་ཁག་གཤམ་གསལ

༡། “འགེངས་ཤོག་ “ཀ” པ་ཞིབ་བཀང་གིས་ས་གནས་འགོ་འཛིན་ནས་དག་མཆན་ཞུ་དགོས།

༢། ད་ལྟའི་ཕྱག་ལས་གནང་ཡུལ་གྱི་ལས་ཁུངས་སམ་སློབ་གྲྭའི་འཛིན་སྐྱོང་ནས་དགག་ཆ་མེད་པའི་ངོས་སྦྱོར་ཞུ་དགོས་པ་དང་། ངོས་སྦྱོར་ནང་ཞབས་ལོའི་དུས་ཡུན་ཁ་གསལ་དགོས་རྒྱུ།

༣། ཤེས་ཚད་མཐོ་ཤོས་ཀྱི་ཨང་ཐོབ་ཤོག་ལྷེའི་ངོ་བཤུས་ཐོག་ས་གནས་འགོ་འཛིན་དང་།   ཡང་ན་དབུས་བོད་མི་སྒྲིག་འཛུགས་ཀྱི་ཟུང་དྲུང་གནས་རིམ་ཡན་གྱི་སྲི་ཞུ་ལས་བྱེད་གང་རུང་ནས་ཞིབ་བཤེར་གནང་བའི་དག་མཆན་ངེས་འགོད་བྱ་དགོས།

སྡེ་ཚན་ཁག་ལ་སློབ་ཡོན་ཆ་བགོས

ཀ༽ བོད་མིའི་སྒྲིག་འཛུགས་ཁྱབ་ཁོངས་དབུས་ས་གཉིས་ཀྱི་ལས་བྱེད་ཆེད་ས་མིག་ ༢༠ ནས་བེུད་ཆེད་ཟུར་བཅད་ས་མིག་ ༥ ཡོད།

ཁ༽ བོད་མིའི་སྒྲིག་འཛུགས་ཁྱབ་ཁོངས་སློབ་གྲྭའི་དགེ་རྒན་ཆེད་ས་མིག་ ༢༠ ནས་བེུད་ཆེད་ཟུར་བཅད་ས་མིག་ ༥ ཡོད།

ག༽ སྭ་ར་མཐོ་སློབ་དང་ནོར་གླིང་རིག་གཞུང་སློབ་གཉེར་ཁང་གི་སློབ་ཕྲུག་ཆེད་ས་མིག་ ༡༥ ཡོད།

ང༽ འཛིན་རིམ་བཅུ་གཉིས་ཐོན་རྗེས་མུ་མཐུད་མཐོ་སློབ་ཏུ་བསྐྱོད་རྒྱུའི་གོ་སྐབས་མ་ཐོབ་པའི་ན་གཞོན་ཆེད་ས་མིག་ ༢༠ ཡོད།

ཅ༽ གོང་གསལ་སྡེ་ཚན་བཞིའི་ནང་མ་ཚུད་པའི་སྙན་འབུལ་བ་ཁག་ལ་ས་མིག་སྟོང་པ་ལྷག་ཚེ་དགོངས་བཞེས་གནང་རྒྱུ།

སློབ་མ་རྣམས་ཀྱི་ལོ་རེའི་ཡིག་རྒྱུགས་ཀྱི་ཨང་ཐོབ་ཤོག་ལྷེ་འབྱོར་མཚམས་སུ་ཡིག་འགྲུལ་སློབ་ཡོན་སྒོར་ ༡༠,༠༠༠༠༠ གནང་རྒྱུ

 

དོགས་འདྲི་ཡོད་ཚེ་འབྲེལ་བ་གནང་ཡུལ།

བསོད་ནམས་བཟང་མོ།   [email protected]

བསྟན་འཛིན་བདེ་ཆེན།    [email protected]

 

སྔོན་མ།
སཾ་བྷོ་ཊ་བོད་སློབ་ཚོགས་པའི་འགན་འཛིན་ལྷན་ཚོགས་མ་སུ་རིར་བསྐོང་ཚོགས།
ཕྱི་མ།
ཤེས་རིག་བརྡ་ཆད་ཚན་པ་དང་བོད་མིའི་སློབ་གྲྭ་ཁག་གི་ཐ་སྙད་ཚོགས་ཆུང་དབར་དྲ་ཐོག་ཚོགས་འདུ་སྐོང་ཚོགས་ཞུས་པ།
Menu