གཞུང་འབྲེལ་མ་ཡིན་པའི་ཚོགས་པ་སྒྲིག་འཛུགས་ཁག་ནས་རང་རེའི་སྤྱི་ཚོགས་ཀྱི་གཞོན་སྐྱེས་ཁྲོད་བོད་ཀྱི་སྐད་ཡིག་ཐོག་དམིགས་བསལ་ཧུར་བརྩོན་གནང་མཁན་རྣམས་ལ་བྱ་དགའ་དང་གཟེངས་བསྟོད་བརྒྱུད། མ་འོངས་སོན་རྩ་རྣམས་ནས་བོད་ཀྱི་སྐད་ཡིག་རིག་གཞུང་ཐོག་དགའ་ཞེན་དང་དོ་དབྱིངས་གོང་འཕེལ་སླད་གཟེངས་བསྟོད་ཀྱི་ལས་རིམ་མང་དག་གོ་སྒྲིག་གནང་གི་ཡོད་པ་ལྟར། ཕྱི་ལོ་ ༢༠༢༤ ལོའི་རྒྱ་གར་རྒྱལ་ཡོངས་ཡིག་རྒྱུགས་ཆེན་མོའི་ནང་བོད་ཡིག་སློབ་ཚན་ཐོག་བརྒྱ་ཆ་ ༩༥% ཡན་སོན་པའི་སློབ་ཕྲུག་གྲངས་སུམ་ཅུ་སོ་བདུན་བྱུང་བ་རྣམས་ཀྱི་ཐོ་གཞུང་དང་སློབ་གྲྭའི་འབྲེལ་གཏུག་ཁ་བྱང་བཅས་གཤམ་དུ་སྤྱོད་བདེའི་ཡིག་སྒྲོམ་ནང་བཞག་ཡོད་པས། གཞུང་འབྲེལ་མིན་པའི་ཚོགས་པ་སྒྲིག་འཛུགས་ཁག་ནས་སོ་སོའི་ལྟ་གྲུབ་དང་དགོས་དམིགས་བཞིན་སློབ་ཕྲུག་ཇི་ཙམ་ལ་གཟེངས་བསྟོད་གནང་འཆར་ཡོད་པ་རྣམས་ཀྱི་རྒྱབ་ལྗོངས་གནས་ཚུལ་དང་དགོས་ངེས་ཆ་རྐྱེན་ཚང་ཡོད་མེད་ཐད་ཀར་སློབ་ཁག་སོ་སོ་ནས་བསྡུ་བཞེས་གནང་ཕྱོགས་ཡོང་བའི་བརྡ་ཁྱབ་ཏུ། ཤེས་རིག་ལས་ཁུངས་ནས། ཕྱི་ལོ་ ༢༠༢༤ ཟླ་ ༥ ཚེས་ ༡༦ ལ།