འདི་ག་ཤེས་རིག་ལས་ཁུངས་ཀྱི་དྲུང་ཆེ་དངོས་གྲུབ་ཚེ་རིང་མཆོག། ཕྱི་ཟླ་ ༨ ཚེས་ ༡ ཕྱི་དྲོ་དྷ་ས་ནས་ཕེབས་ཐོན་གྱིས་ཕྱི་ཚེས་ ༣ ཉིན་བྷེང་ལོར་དུ་(XSEED) ཚོགས་པ་ནས་གོ་སྒྲིག་ཞུས་པའི་སློབ་གྲྭའི་འགོ་ཁྲིད་ཀྱི་དཀའ་ངལ་སེལ་ཐབས་ཚོགས་འདུར་བཅར་བ་དང༌། དེའི་རྗེས་བྷེང་ལོར་ཁུལ་གྱི་མཐོ་སློབ་སློབ་མ་རྣམས་ལ་ལམ་སྟོན་དང་དྲི་བ་དྲིས་ལན་གནང༌། དེ་ནས་ཕྱི་ཚེས་ ༥ དང་ ༦ བཅས་ལ་ཀོ་ལི་གྷལ་ཉིན་སློབ་གཟིགས་ཞིབ་དང༌། མང་ཚོགས་ལ་ལམ་སྟོན་བཀའ་སློབ་གནང༌། ཕྱི་ཚེས་ ༧ སྔ་དྲོ་སྦེལ་ཀོབ་བོད་ཁྱིམ་དུ་གཏན་ཉིན་སློབ་གྲྭ་ཁག་གི་རིགས་ལམ་འདུ་འཛོམས་ཐེངས་གསུམ་པ་དབུ་འབྱེད་གནང་བ་དང༌། ཕྱེད་ཡོལ་བདེ་སླར་ཉིན་སློབ་གཟིགས་ཞིབ་དང་དགེ་ལས་སློབ་ཕྲུག་རྣམ་པར་མཇལ་འཕྲད་གནང༌། 
ཕྱི་ཚེས་ ༨ ཉིན་སྦེལ་ཀོབ་སློབ་གྲྭ་དབུས་མར་གཟིགས་ཞིབ་དང་འབྲེལ། སློབ་ཕྲུག་རྣམས་ལ་བཀའ་སློབ་དང་ཡན་ལག་སློབ་ཁག་ལ་གཟིགས་ཞིབ། ཕྱི་ཚེས་ ༩ ལ་བདེ་སླར་གཞིས་མི་རྣམས་ལ་ལམ་སྟོན་བཀའ་སློབ་དང༌། ཕྱི་ཚེས་ ༡༠ ཉིན་ཧུན་སུར་ཉིན་སློབ། ཕྱི་ཚེས་ ༡༢ དང་ ༡༣ བཅས་མོན་གྷོ་སློབ་ཁག་གཟིགས་ཞིབ་གནང་གཏན་འཁེལ་ཡོད་པ་བཅས།།
