༄༅། །ཤེས་རིག་ལས་ཁུངས་ཀྱི་གོ་སྒྲིག་འོག་ཆོས་ལུགས་ལ་མ་བརྟེན་པའི་བཟང་སྤྱོད་སློབ་སྤེལ་གྱི་རྒྱུས་སྟོན་པ་དགེ་བཤེས་ལྷ་རམས་པ་ཡེ་ཤེས་རྒྱལ་མཚན་ལགས་ཀྱིས་རྒྱ་གར་བྱང་ཤར་ཁུལ་གྱི་སློབ་གྲྭ་ཁག་ལ་ཆོས་ལུགས་ལ་མ་བརྟེན་པའི་བཟང་སྤྱོད་སྐོར་གོ་རྟོགས་རྒྱ་གང་ཆེ་སྤེལ་གནང་ཡོད།
དུས་འགྱངས་གསལ་བསྒྲགས།
༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་དགུང་གྲངས་ ༩༠ བཞེས་པའི་གོ་སྟོན་ལ་མགོན་པོ་གང་ཉིད་ཀྱི་བཀའ་དྲིན་ཆ་ཕྲ་མོ་ཞིག་གསབ་ཕྱིར་དང་། མཆོད་པའི་མེ་ཏོག་ཅིག་གི་ཚུལ་དུ། ཐུགས་བསྐྱེད་དམ་བཅའ་བཞིའི་སྟེང་གཞི་རིམ་འོག་མ་དང་བར་མའི་སློབ་ཕྲུག་གི་གནས་ཚད་དང་འཚམས་པའི་བྱིས་སྒྲུང་བརྙན་དེབ་བཞི་འདོན་སྤེལ་ཞུ་རྒྱུ་ལགས་ན། མཁྱེན་ཡངས་རྩོམ་པ་པོ་གང་མང་མཉམ་བཞུགས་ཡོང་བའི་འབོད་སྐུལ་ཞུ་བཞིན་ཡོད།
གཞི་རིམ་འོག་མའི་བོད་ཡིག་སློབ་དེབ་གཏན་འབེབས་ཚོགས་འདུ།
༄༅། །འདི་ག་ལས༌ཁུངས་ཀྱི་ཤེས་ལྷན་ཡིག་ཚང་གི་གོ་སྒྲིག་འོག ཕྱི་ལོ་ ༢༠༢༤ ཟླ་བ་ ༡༡ ཚེས་ ༡༡ ནས་ ༡༥ བར་ཉིན་གྲངས་ལྔའི་རིང་བཙན་བྱོལ་བོད་མིའི་གཞི་རིམ་གྱི་ཤེས་ཡོན་སྲིད་བྱུས་ཀྱི་དགོངས་དོན་དང་། སྔོན་འགྲོ་དང་གཞི་རིམ་འོག་མའི་བསླབ་གཞིའི་རྩ་འཛིན་ལྟར་གཞི་རིམ་འོག་མའི་འཛིན་རིམ་བཞི་པ་དང་ལྔ་པའི་བོད་ཡིག་སློབ་དེབ་བསྐྱར་ཞིབ་ཀྱི་ཚོགས་འདུ་སྔོན་དུ་སོང་བ་ལྟར། སློབ་དེབ་རྩོམ་སྒྲིག་པས་བསྐྱར་ཞིབ་སྐབས་གཏན་འབེབས་བྱུང་བའི་དཀར་ཆག་ལྟར་རྩོམ་སྒྲིག་ཡོངས་སུ་གྲུབ་སྟེ་མཐའ་མའི་གཏན་འབེབས་ཀྱི་ཚོགས་འདུ་ཚོགས་ཡོད།
ཤེས་རིག་ལས་ཁུངས་ནས་མེའོ་སཾ་བྷོ་ཊ་སློབ་གྲྭའི་སློབ་ཕྲུག་རྣམས་ལ་དགུན་དུས་འགོ་ཁྲིད་ཟབ་སྦྱོང་གནང་བ།
༄༅། །ཕྱི་ལོ་ ༢༠༢༤ ཟླ་ ༡༡ ཚེས་ ༤ ནས་ ༩ བར་ཤེས་རིག་ལས་ཁུངས་ཀྱི་མདུན་ལམ་སློབ་སྟོན་ཚན་པའི་གོ་སྒྲིག་འོག་མེའོ་སཾ་བྷོ་ཊ་ཉིན་སློབ་ཀྱི་འཛིན་རིམ་དྲུག་པ་ནས་བརྒྱད་པ་བར་གྱི་སློབ་ཕྲུག་རྣམས་ལ་དགུན་དུས་འགོ་ཁྲིད་ཟབ་སྦྱོང་གནང་ཡོད། ཟབ་སྦྱོང་གི་དབུ་འབྱེད་མཛད་སྒོར་མེའོ་ཆོས་འཕེལ་གླིང་ས་གནས་འགོ་འཛིན་ལས་ཁུངས་ཀྱི་ལས་དྲུང་ཚེ་རིང་དོན་གྲུབ་ལགས་དང་། དགེ་རྒན་ཕ་མའི་ཚོགས་ཆུང་གི་ཚོགས་གཙོ། རྡོར་གླིང་སཾ་བྷོ་ཊ་དང་ཅནྡྲ་གི་རི་སཾ་བྷོ་ཊ་སློབ་གྲྭའི་མདུན་ལམ་སློབ་སྟོན་པ་རྣམ་པ། དང་བླངས་དགེ་རྒན་བཅས་ཕེབས་ཡོད།
