གསར་གནས།

༄༅། །འདི་ག་ཤེས་རིག་ལས་ཁུངས་ཀྱི་ཤེས་ཡོན་ཚན་པས་གོ་སྒྲིག་འོག་བཙན་བྱོལ་བོད་མིའི་གཏན་ཉིན་སློབ་གྲྭ་ཁག་གི་གཞི་རིམ་འོག་མའི་སློབ་དགེ་རྣམས་ལ་བྱིས་པའི་ཀློག་རྩལ་ཁྲིད་ཐབས་ཀྱི་ཟབ་སྦྱོང་ཞིག་གནང་དང་གནང་མུས་བཞིན། ཕྱི་ལོ་ ༢༠༡༦ ཟླ་ ༥ ཚེས་ ༢༥ ནས་ ༢༩ བར་ཉིན་གྲངས་ལྔའི་རིང་སུ་ཇཱ་བོད་ཁྱིམ་སློབ་གྲྭར་གཞི་རིམ་འོག་མའི་དགེ་རྒན་ཁག་གཅིག་ལ་བྱིས་པའི་ཀློག་རྩལ་ཁྲིད་ཐབས་ཀྱི་ཟབ་སྦྱོང་ཞིག་ཚོགས་ཡོད་འདུག (more…)

༄༅། །ཕྱི་ལོ་ ༢༠༡༦ ཟླ་ ༥ ཚེས་ ༢༡ ཉིན་རྒྱ་གར་དབུས་འབྲིང་རིམ་ཤེས་ཡོན་ལྷན་ཚོགས་ CBSE ཀྱི་འཛིན་རིམ་བཅུ་གཉིས་ཀྱི་རྒྱལ་ཡོངས་ཡིག་རྒྱུགས་ཆེན་མོའི་གྲུབ་འབྲས་གསལ་བསྒྲགས་གནང་ཡོད་པ་དང་། འདི་ལོའི་ཡིག་རྒྱུགས་ཆེན་མོའི་ནང་བོད་པའི་སློབ་གྲྭ་ཁག་ ༡༧ ནས་སློབ་ཕྲུག་གྲངས་ ༡༣༥༩ ཀྱིས་ཡིག་རྒྱུགས་ནང་འཛུལ་ཞུགས་བྱས་ཡོད་པའི་ཁོངས་ནས་སློབ་ཕྲུག་གྲངས་ ༡༢༢༤ ཡིག་རྒྱུགས་འཕྲོད་ཡོད་པ་དང་། བསྐྱར་དུ་ཡིག་རྒྱུགས་གཏོང་དགོས་པའི་སློབ་མ་གྲངས་ ༡༡༥ ཡོད།…

༄༅། །ཕྱི་ལོ་ ༢༠༡༦ ཟླ་ ༥ ཚེས་ ༡༨ ནས་ ༢༢ བར་འདི་ག་ཤེས་རིག་ལས་ཁུངས་དང་འཚེ་མེད་ཞི་བའི་ལྟ་གྲུབ་སྦྱོང་བརྡར་བསྟི་གནས་ཁང་གཉིས་ཐུན་མོང་གིས་གོ་སྒྲིག་འོག  དྷ་སའི་ཉེ་འགྲམ་དུ་ཆགས་པའི་ཤེས་རབ་དགའ་ཚལ་སློབ་གླིང་དུ་བྷུན་ཏར་དགེ་འོས་མཐོ་སློབ་ཁང་གི་དགེ་རྒན་འོས་སྦྱོང་པ་རྣམས་ལ་ཉིན་ལྔའི་རིང་འཚེ་མེད་ཞི་བའི་ཡོངས་ཁྱབ་སྦྱོང་བརྡར་དབུ་འཛུགས་གནང་ཡོད། (more…)

༄༅། །འདི་ག་ཤེས་རིག་ལས་ཁུངས་ཀྱི་ཟབ་སྦྱོང་སོགས་དགེ་རྒན་གྱི་ཁྱད་ལས་གོང་མཐོར་གཏོང་ཐབས་དང་འབྲེལ་བའི་ལས་རིམ་སྣ་མང་ནང་ནས། འདས་པའི་ལོ་ཤས་ཤིག་ནས་གཞི་རིམ་སློབ་གྲྭ་ཁག་གི་བྱིས་པའི་ཀློག་རྩལ་གོང་མཐོར་གཏོང་ཐབས་ཀྱི་ཟབ་སྦྱོང་དེ་བཞིན་ཤེས་རིག་ཤེས་ཡོན་མཁས་པའི་སློབ་སྟོན་ཚོགས་ཆུང་གི་དགོངས་དོན་ལྟར། གཞི་རིམ་ཤེས་ཡོན་གལ་གནད་ལ་གཞིགས་ཏེ་གཞི་རིམ་འོག་མའི་དགེ་རྒན་སུམ་བརྒྱ་ཙམ་ལ་ཟབ་སྦྱོང་ཕུལ་ཟིན་པ་དང་། ད་ཆ་ཤེས་རིག་ལས་ཁུངས་ཀྱི་གོ་སྒྲིག་འོག་ས་རཱ་མཐོ་སློབ་ཏུ་དགེ་རྒན་འོས་སྦྱོང་སྤྲོད་བཞིན་པའི་སློབ་གཉེར་བ་རྣམས་གཞི་རིམ་འོག་མའི་དགེ་རྒན་གྱི་དམིགས་སྒོར་ཡིན་པར་བརྟེན། དགེ་འོས་པ་བུ་མོ་ ༡༢ དང་བུ་ ༧ བཅས་ཁྱོན་བསྡོམས་དགེ་འོས་པ་གྲངས་ ༡༩ ལ་ཕྱི་ལོ་ ༢༠༡༦ ཟླ་ ༥ ཚེས་ ༧ ནས་ ༡༡ བར་ཉིན་གྲངས་ལྔའི་རིང་བྱིས་པའི་ཀློག་རྩལ་གོང་མཐོར་གཏོང་ཐབས་ཀྱི་ཟབ་སྦྱོང་གོ་སྒྲིག་ཞུས།…

ཤེས་རིག་ལས་ཁུངས་ཀྱིས་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་གཞི་རིམ་འོག་མའི་དགེ་རྒན་འོས་སྦྱོང་སྤྲོད་བཞིན་པའི་འོས་སྦྱོང་བ་རྣམས་ལ་ཕྱི་ལོ་ ༢༠༡༦ ཟླ་ ༥ ཚེས་ ༧ ནས་ ༡༡ བར་ཉིན་ལྔའི་རིང་བྱིས་པའི་ཀློག་རྩལ་གོང་མཐོར་གཏོང་ཐབས་ཀྱི་ཟབ་སྦྱོང་ཞིག་གོ་སྒྲིག་ཞུས། (more…)