༄༅། །བོད་མིའི་སྒྲིག་འཛུགས་ཤེས་རིག་ལས་ཁུངས་ནས་འཛིན་རིམ་བཅུ་གཉིས་ཚན་རིག་སློབ་ཚན་ཐོན་སྟེ་ལོ་གཅིག་གི་རིང་སློབ་མཚམས་འཇོག་མཁན་སློབ་ཕྲུག་གྲངས་ ༡༠ ལ་ཕྱི་ལོ་ ༢༠༢༠ ལོའི་རྒྱ་གར་རྒྱལ་ཡོངས་ཀྱི་སྨན་པ་ MBBS དང་ Engineering གཉིས་ཀྱི་ཚུད་རྒྱུགས་གྲ་སྒྲིག་གི་སློབ་ཡོན་གནང་རྒྱུ་ཡིན་པ་དང་། འཚང་སྙན་རྣམས་གཤམ་གསལ་དྲ་ལམ་སྦྲེལ་ཐག་བརྒྱུད་ཕྱི་ལོ་ ༢༠༡༩ ཟླ་ ༧ ཚེས་ ༣༡ འགྱངས་མེད་འབུལ་ལམ་ཞུས་ཟིན་པ་དགོས་པའི་གསལ་བསྒྲགས་ཞུ་རྒྱུ།

https://forms.gle/pSMqB4HCCky3oW4u9

སློབ་ཡོན་ཞུ་ལེན་གྱི་དགོས་ངེས་ཆ་རྐྱེན་ཁག་གཤམ་གསལ།

1. ཤེས་རིག་སློབ་ཡོན་འགེངས་ཤོག་ ༼ཀ་པ།༽ ཞིབ་བཀང་གིས་འབྲེལ་ཡོད་ས་གནས་འགོ་འཛིན་ནས་དག་མཆན་དགོས་རྒྱུ།
2. འཛིན་རིམ་བཅུ་པ་དང་བཅུ་གཉིས་ NEET/JEE བཅས་ཀྱི་ཡིག་རྒྱུགས་གྲུབ་འབྲས་ཨང་ཤོག་གི་ངོ་བཤུས་མཉམ་འབུལ་དགོས་རྒྱུ།
3. འཛིན་རིམ་བཅུ་གཉིས་ཚན་རིག་དང་ཨང་རྩིས་ PCM/PCB གཉིས་ཀྱི་གྲུབ་འབྲས་ཉུང་མཐར་བརྒྱ་ཆ་ ༦༠ ལོན་པ་དགོས། ཕྱི་ལོ་ ༢༠༡༩ ལོར་ཐོན་པའི་སློབ་ཕྲུག་རྣམས་ལ་དམིགས་བསལ་དགོངས་བཞེས་གནང་རྒྱུ།
4. འཚང་སྙན་འབུལ་མི་གང་ཞིག་འཛིན་རིམ་བཅུ་པ་བར་བོད་པའི་སྐད་ཡིག་ཐོག་སློབ་སྦྱོང་བྱས་པའམ། ཡང་ན། དེ་དང་ཚད་མཉམ་བོད་ཡིག་ཡིག་རྒྱུགས་ནང་ཞུགས་མྱོང་བ་ཞིག་དགོས་རྒྱུ།
5. སློབ་ཕྲུག་སོ་སོ་ནས་སློབ་མཚམས་བཞག་དགོས་པའི་རྒྱུ་མཚན་ཁ་གསལ་ཤོག་ངོས་གཅིག་བྲིས་ཏེ་འབུལ་དགོས།
6. སློབ་ཡོན་ཞུས་ཐོབ་རྗེས་རྒྱུ་མཚན་ཡང་དག་མེད་པར་སློབ་མཐར་མ་བྱུང་ཚེ་སློབ་ཡོན་འགྲོ་གྲོན་ཕྱིར་སློག་དགོས་རྒྱུ།

སློབ་ཡོན་དངུལ་འབོར། སློབ་ཡོན་མཐོ་ཚད་འབུམ་གཅིག་བར་གནང་རྒྱུ།

For inquiry, please contact:
Sonam Sangmo or Tenzin Tashi
Email: [email protected]
[email protected]
Phone: +91-1892-222572, 222721
Web:www.sherig.org/en/
FB: www.facebook.com/doe.lobyon/

ཤེས་རིག་ལས་ཁུངས་ནས་ཕྱི་ལོ་ ༢༠༡༩ ཟླ་ ༦ ཚེས་ ༢༤ ལ་ཕུལ།།

འགེངས་ཤོག (ཀ་པ)  ⇐ (ཤེས་རིག་འགེངས་ཤོག་ཀ་པ་འདི་ནས་ཕབ་ལེན་བྱེད་ཐུབ།)