- ༈ ཤེས་རིག་དཔར་ཁང་གི་དཔེ་དེབ་དམིགས་བསལ་ཆག་ཡང་དང༌། བོད་ཀྱི་སྲིད་དོན་རྒྱལ་རབས། ཞྭ་སྒབ་པ་དབང་ཕྱུག་བདེ་ལྡན་གྱིས་སྦྱར་བའི་གླེགས་བམ་སྟོད་སྨད་གཉིས་སྤུས་ཚོང་ཞུ་རྒྱུ་ཡོད་པའི་གསལ་བསྒྲགས།
- ཤེས་རིག་དཔར་ཁང་ནས་ཟོག་གཙང་ཆེད་དཔེ་དེབ་ཕྱི་ལོ་ ༢༠༡༩ ཟླ་ ༡༠ ཚེས་ ༢༢ ནས་ ཕྱི་ལོ་ ༢༠༢༠ ཟླ་ ༢ ཚེས་ ༡༥ བར་དམིགས་བསལ་ཆ་ཡང་བརྒྱ་ཆ་ ༥༠ ཡོད་པའི་གསལ་བསྒྲགས་ཟུར་སྦྱར་ནང༌། ཨང༌། དཔེ་དེབ་མིང༌། མཚོན་རྟགས། དངོས་ཡོན། ཆ་ཡང༌། བཅས་འཁོད་ལྡི་ལི་དཔེ་དེབ་ཁག་གྲངས་ ༦༩ དང༌། རྡ་ས་ཡན་ལག་ཏུ་དདཔེ་དེབ་ཁག་གྲངས་ ༣༧ བཅས་ཡོད།
- རྗེ་ཡབ་སྲས་གསུམ་གྱི་གསུང་འབུམ་པོད་སོ་བདུན་ཅན་ཆ་ཚང་བཀྲིས་ལྷུན་པའི་དཔར་རྩ་ཡིན་པ་སྲོལ་རྒྱུན་ཕྱག་དཔེ་དམིགས་བསལ་དགོངས་བཞེས་ཐོག་ཆ་ཡང་འབུལ་ལམ་ཞུས་ཡོད།
- བོད་ཀྱི་སྲིད་དོན་རྒྱལ་རབས། ཞྭ་སྒབ་པ་དབང་ཕྱུག་བདེ་ལྡན་གྱིས་སྦྱར་བའི་གླེགས་བམ་སྟོད་སྨད་ཆ་ཚང་ལ་སྒོར། ༦༥༠།༠༠ དང་ཕྱག་དེབ་གྲངས་ ༥༠ ཅན་ཆ་ཚང་སྤུས་གཟིགས་སྡེབ་ཉོ་གནང་མཁན་ཡོད་ཚེ་དམིགས་བསལ་དགོངས་བཞེས་ཀྱི་ཆ་ཚང་རེར་སྒོར། ༤༥༠།༠༠ ཡིན་པ་ཤེས་རིག་དཔར་ཁང་ནས་འགྲེམས་སྤེལ་ཞུ་བཞིན་ཡོད།
གོང་གསལ་དཔེ་དེབ་ཆ་ཡང་ཤེས་དཔར་ལྡི་ལི་དབུས་དང༌། ལྡི་ལི་བསམ་ཡས་གླིང་མ་ཇུ་ནི་ཀྲི་ལའི་ཤེས་དཔར་ཚོང་ཁང༌། རྡ་ས་ཤེས་དཔར་ཡན་ལག་ལས་ཁུངས་དང༌། རྡ་ས་མེག་ལོ་ཤེས་དཔར་ཚོང་ཁང་བཅས་ལ་ཡོད།
ཤེས་དཔར་ལྡི་ལི་དབུས་ཀྱི་ལས་ཁུངས་དང་རྡ་ས་ཤེས་དཔར་ཡན་ལག་གི་ལས་ཁུངས་གཉིས་ལ་དོ་བདག་སོ་སོའི་ཞལ་བྱང་ཐོག་བཀའ་མངག་གནང་ཚེ་འབུལ་ལམ་ཞུ་ཆོག་པ་དང༌། གོང་གསལ་ཆག་ཡང་གི་ཡོན་ཐོག་སྦྲག་གླ་དང་སྦྲག་ཆས་དོ་བདག་སོ་སོ་ནས་འབུལ་དགོས་པ་བཅས་ལྡི་ལི་ཤེས་དཔར་དབུས་ཡིག་ཚང་ནས་ཕྱི་ལོ་ ༢༠༡༩ ཟླ་ ༡༠ ཚེས་ ༡༧ ལ།།
གསལ་བསྒྲགས་ཆ་ཚང་འདི་ནས་ཀློགས།