༄༅། །བོད་མིའི་སྒྲིག་འཛུགས་ཤེས་རིག་ལས་ཁུངས་ནས་ཡིག་འགྲུལ་ལམ་ནས་སློབ་གཉེར་བྱ་རྒྱུའི་ཆེད་སློབ་ཡོན་ས་མིག་གྲངས་ ༥༠ ཡོད་པའི་གསལ་བསྒྲགས་ཞུ་རྒྱུར། སློབ་ཡོན་འདི་བཞིན་བོད་མིའི་སྒྲིག་འཛུགས་ཁྱབ་ཁོངས་དབུས་ས་གཉིས་ཀྱི་ལས་བྱེད་དང་། ཤེས་རིག་ཁྱབ་ཁོངས་སློབ་གྲྭའི་དགེ་རྒན། ས་རཱ་མཐོ་སློབ་དང་ནོར་གླིང་རིག་གཞུང་སློབ་གཉེར་ཁང་གི་སློབ་ཕྲུག འཛིན་རིམ་བཅུ་གཉིས་ཐོན་རྗེས་མུ་མཐུད་མཐོ་སློབ་ཏུ་བསྐྱོད་རྒྱུའི་གོ་སྐབས་མ་ཐོབ་པའི་རང་རིགས་ན་གཞོན་རྣམས་ལ་སོ་སོའི་ཤེས་ཚད་གོང་མཐོར་གཏོང་ཐབས་ཆེད་ཡིན་པས། སློབ་ཡོན་ཞུ་འདོད་ཡོད་རིགས་ནས་ཕྱི་ལོ་ ༢༠༡༨ ཟླ་ ༨ ཚེས་ ༣༡ འགྱངས་མེད་གཤམ་གསལ་སྦྲེལ་མཐུད་ཁ་བྱང་བརྒྱུད་འཚང་སྙན་དང་དགོས་མཁོའི་ཡིག་ཆ་ཁག་དྲྭ་ཐོག་ནས་འབུལ་དགོས།

https://goo.gl/forms/Teq0XqMmvjKfqWtl2

དགོས་མཁོའི་ཡིག་ཆ་ཁག་གཤམ་གསལ།

1. འགེངས་ཤོག་ “ཀ” པ་ཞིབ་བཀང་གིས་ས་གནས་འགོ་འཛིན་ནས་དག་མཆན་ཞུ་དགོས། (འདི་ནས་ཕབ་ལེན་བྱོས)
2. ད་ལྟ་ཕྱག་ལས་གནང་ཡུལ་གྱི་ལས་ཁུངས་སམ་སློབ་གྲྭའི་འཛིན་སྐྱོང་ནས་དགག་ཆ་མེད་པའི་ངོས་སྦྱོར་ཞུ་དགོས་པ་དང་། ངོས་སྦྱོར་ནང་ཞབས་ལོའི་དུས་ཡུན་ཁ་གསལ་དགོས་རྒྱུ།
3. ཤེས་ཚད་མཐོ་ཤོས་ཀྱི་ཨང་ཐོབ་ཤོག་ལྷེའི་ངོ་བཤུས་ཐོག་ས་གནས་འགོ་འཛིན་དང་། ཡང་ན་དབུས་བོད་མི་སྒྲིག་འཛུགས་ཀྱི་ཟུང་དྲུང་གནས་རིམ་ཡན་གྱི་སྲི་ཞུ་ལས་བྱེད་གང་རུང་ནས་ཞིབ་བཤེར་གནང་བའི་དག་མཆན་ངེས་འགོད་བྱ་དགོས།

སྡེ་ཚན་ཁག་ལ་སློབ་ཡོན་ཆ་བགོས།

1. བོད་མིའི་སྒྲིག་འཛུགས་ཁྱབ་ཁོངས་དབུས་ས་གཉིས་ཀྱི་ལས་བྱེད་ཆེད་ས་མིག་ ༡༥ ནས་བུད་མེད་ཆེད་ཟུར་བཅད་ས་མིག་ ༥ ཡོད།
2. ཤེས་རིག་ཁྱབ་ཁོངས་སློབ་གྲྭའི་དགེ་རྒན་ཆེད་ས་མིག་ ༡༥ ནས་བུད་མེད་ཆེད་ཟུར་བཅད་ས་མིག་ ༥ ཡོད།
3. ས་རཱ་མཐོ་སློབ་དང་ནོར་གླིང་རིག་གཞུང་སློབ་གཉེར་ཁང་གི་སློབ་ཕྲུག་ཆེད་ས་མིག་ ༡༠ ཡོད།
4. འཛིན་རིམ་བཅུ་གཉིས་ཐོན་རྗེས་མུ་མཐུད་མཐོ་སློབ་ཏུ་བསྐྱོད་རྒྱུའི་གོ་སྐབས་མ་ཐོབ་པའི་ན་གཞོན་ཆེད་ ས་མིག་ ༡༠ ཡོད།
5. གོང་གསལ་སྡེ་ཚན་བཞིའི་ནང་མ་ཚུད་པའི་སྙན་འབུལ་བ་ཁག་ལ་ས་མིག་སྟོང་པ་ལྷག་ཚེ་དགོངས་ བཞེས་གནང་རྒྱུ།
6. སློབ་ཡོན་གྱི་ཚད་གཞི་ལོ་རེར་ཧིན་སྒོར་ ༡༠,༠༠༠།༠༠ ཡིན།

དྭོགས་འདྲི་ཡོད་ཚེ་འབྲེལ་བ་གནང་ཡུལ།

བསོད་ནམས་བཟང་མོ། [email protected]
སངས་རྒྱས་ལྷ་སྒྲོན། [email protected]

གསལ་བསྒྲགས་འདོན་མཁན།

མཐོ་སློབ་སློབ་ཡོན་ཚན་པ།

ཟླ་ཚེས། ༢༠༡༨།༠༨།༠༩

Departmentn of Education, CTA
Gangchen Kyishong, Dharamsala – 176215
District Kangra, Himachal Pradesh, India
Phone no: 01892-226695, 222572, 222721
Email: [email protected] or [email protected]
Website: www.sherig.org, www.lamton.org
Facebook: www.facebook.com/doe.lobyon/