༄༅། །དབུས་བོད་མིའི་སྒྲིག་འཛུགས་ཤེས་རིག་ལས་ཁུངས་ནས་གསལ་བསྒྲགས་ཞུ་རྒྱུར། རྒྱ་གར་གཙོས་པའི་ཕྱི་རྒྱལ་ཡུལ་གྲུ་ཁག་ ༡༧ གྱི་མཐོ་སློབ་ནང་འཛིན་རིམ་བཅུ་གཅིག་དང་བཅུ་གཉིས་ཚད་མཉམ་སློབ་སྦྱོང་ཆེད་ཕྱི་ལོ་ ༢༠༢༠ ལོའི་ UWC Horizon Foundation སློབ་ཡོན་གྱི་གོ་སྐབས་ཡོད་འདུག་ན། ཤེས་རིག་ལས་ཁུངས་ནས་རྒྱ་གར་ནང་རྟེན་གཞི་བྱས་པའི་ UWC ལྷན་ཚོགས་དང་ཟུང་འབྲེལ་ཐོག་རྒྱ་གར་ནང་གི་བོད་རིགས་སློབ་ཕྲུག་འདེམས་སྒྲུག་བྱ་རྒྱུ་ཡིན་པས། སློབ་ཡོན་ཞུ་འདོད་ཡོད་རིགས་ནས་ཕྱི་ལོ་ ༢༠༡༩ ཟླ་ ༩ ཚེས་ ༣༠ འགྱངས་མེད་གཤམ་གསལ་སྦྲེལ་མཐུད་ཁ་བྱང་བརྒྱུད་འཚང་སྙན་དང་དགོས་མཁོའི་ཡིག་ཆ་ཁག་དྲྭ་ཐོག་འབུལ་དགོས།
https://forms.gle/mG1xastJH8tVoJKd7
སློབ་ཡོན་གྱི་ཆ་རྐྱེན་འོས་ཆོས་དང་དགོས་མཁོའི་ཡིག་ཆ་ཁག་གཤམ་གསལ།
- འཚང་སྙན་འབུལ་མི་རྣམས་བཙན་བྱོལ་བོད་མི་ཡིན་པའི་ཐོག་དོ་བདག་དང་ཕ་མའི་དཔྱ་དངུལ་ཕྱི་ལོ་ ༢༠༡༨ བར་གཙང་ཕུལ་ཟིན་པ་དགོས། འཚང་སྙན་འབུལ་མི་རྣམས་ལ་རྒྱ་གར་སྐྱབས་བཅོལ་ལག་དེབ་དུས་འགྱངས་བཀའ་འཁྲོལ་ཡོད་པའང་དགོས། གལ་ཏེ་ལོ་ན་མ་ཟིན་པའི་རྐྱེན་གྱིས་ལག་དེབ་བཟོ་མེད་པའང་གསར་བཟོ་ཆེད་ཕུལ་ཡོད་ཚེ་གནས་ཡུལ་ས་གནས་འགོ་འཛིན་ནས་ “འགེངས་ཤོག ཀ” པའི་ཐོག་རྒྱུ་མཚན་ཁ་གསལ་འགོད་དགོས། (འགེངས་ཤོག་དེ་དག་ཞིབ་བཀང་གིས་དྲྭ་ཐོག་བརྒྱུད་འགོད་འབུལ་ཞུ་དགོས།)
- འཚང་སྙན་འབུལ་མི་གང་ཞིག་འཛིན་རིམ་བཅུ་པའམ་བཅུ་གཅིག་ནས་ཡིན་པའི་ཐོག་ཕྱི་ལོ་ ༢༠༠༢ ཟླ་ ༩ ཚེས་ ༡ ནས་ཕྱི་ལོ་ ༢༠༠༤ ཟླ་ ༩ ཚེས་ ༠༡ བར་སྐྱེས་པའི་སྐྱེས་ཚེས་ལག་འཁྱེར་འབུལ་དགོས། (ཕྱི་ལོ་ ༢༠༢༠ ཟླ་ ༩ ཚེས་ ༠༡ ཉིན་རང་ལོ་ ༡༦ ནས་ ༡༨ བར་སོན་པ་དགོས།)
- འཚང་སྙན་འབུལ་མི་རྣམས་འཛིན་རིམ་བཅུ་པ་བར་བོད་ཡིག་སློབ་སྦྱོང་བྱས་པ་ཞིག་དགོས། ཡང་ན་འཚང་སྙན་གྱི་མཐའ་མའི་དུས་བཀག་རྗེས་ཤེས་རིག་ལས་ཁུངས་ནས་གོ་སྒྲིག་ཞུས་པའི་བོད་ཡིག་ཡིག་རྒྱུགས་ནང་ཞུགས་དགོས། (འཚང་སྙན་འབུལ་མི་འཛིན་རིམ་བཅུ་པ་དང་བཅུ་གཅིག་རྣམས་ནས་འཛིན་རིམ་དགུ་པ་དང་བཅུ་པ་སོ་སོའི་ཡིག་རྒྱུགས་ཨང་ཤོག་འབུལ་དགོས།)
- UWC འཚང་སྙན་འགེངས་ཤོག་གསུམ་ཞིབ་བཀང་གིས་འགོད་འབུལ་ཞུ་དགོས།
Application Form
Parents Declaration Form
School Declaration Form
མཆན།
- གོང་འཁོད་ Application Form དང་། Parents Declaration Form གཉིས་ལག་བྲིས་མ་ཡིན་པར་ངེས་པར་དུ་ཀམ་པུ་ཊར་ཡིག་འབྲུའི་ཐོག་འགེངས་འབུལ་ཞུ་དགོས།
- ཕྱིར་བསྐྱོད་ལག་དེབ་སེར་པོ་ (IC) ཕྱི་ལོ་ ༢༠༢༠ ཟླ་ ༦ ནང་ཚུད་ཐོན་ཐབས་དགོས་པ་དོ་བདག་སོ་སོ་ནས་འགན་འཁུར་བཞེས་གནང་རྒྱུ།
འདེམས་ཐོ་ནང་འཁོད་པའི་སློབ་མ་རྣམས་ངག་རྒྱུགས་གཏོང་དགོས་ཤིང་། ངག་རྒྱུགས་ཀྱི་དུས་ཚོད་དང་འཚོགས་ཡུལ་རྗེས་སུ་བརྡ་ལན་འབུལ་རྒྱུ།
དྭོགས་འདྲི་ཞུ་ཡུལ།
བསོད་ནམས་བཟང་མོ་དང་། [email protected]
བློ་བཟང་དར་རྒྱས། [email protected]
ཤེས་རིག་སློབ་ཡོན་ཚན་པ་ནས་ཕྱི་ལོ་ ༢༠༡༩ ཟླ་ ༨ ཚེས་ ༡༧ ལ།
Department of Education, CTA
Gangchen Kyishong, Dharamsala – 176215
District Kangra, Himachal Pradesh, India
Phone no. +91.01892.222572 and 222721
Website: www.sherig.org, www.lamton.org
Facebook: www.facebook.com/doe.lobyon/