༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༨ ཉིན་རྒྱབ་ཤེས་རིག་ལས་ཁུངས་ཀྱི་དེབ་སྐྱེལ་ཚོགས་པ་བོད་ཕྲུག་གི་ཤེས་ཡོན་དང་བདེ་དོན་མ་དངུལ་ཚོགས་པའི་ཚོགས་གཙོ་དཔལ་ལྡན་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་དབུ་བཞུགས་ཐོག་བོད་ཕྲུག་གི་ཤེས་ཡོན་དང་བདེ་དོན་མ་དངུལ་ཚོགས་པའི་ལོ་འཁོར་ཚོགས་འདུ་ཤེས་རིག་ལས་ཁུངས་ཀྱི་ཚོགས་ཁང་ནང་བསྐོང་ཚོགས་གནང་ཡོད།
ཚོགས་འདུའི་ནང་ཚོགས་པའི་དྲུང་ཆེ་ཤེས་རིག་དྲུང་ཆེ་ཀརྨ་ཆོས་དབྱིངས་ལགས་དང་། འགན་ལྷན་གྱི་ཚོགས་མི། དེ་བཞིན་ཚོགས་མི་ཤེས་རིག་ལས་ཁུངས་ཀྱི་ཚན་པའི་འགན་འཛིན་དང་འབྲེལ་ཡོད་ལས་བྱེད་བཅས་ཚོགས་ཞུགས་གནང་ཡོད།
ཚོགས་འདུའི་ཐོག་འགན་ལྷན་ཚོགས་འདུ་ཐེངས་ ༥༨ པའི་གྲོས་ཆོད་རེ་རེ་བཞིན་སྙན་གསན་དང་གཏན་འབེབས་གནང་བ་དང་ཆབས་ཅིག་གཞན་གནད་དོན་ཁག་གཅིག་ཐོག་བཀའ་སྡུར་གནང་ཡོད།།
