༄༅། །བོད་མིའི་སྒྲིག་འཛུགས་ཤེས་རིག་ལས་ཁུངས་ནས་གསལ་བསྒྲགས་ཞུ་རྒྱུར། ཉི་ཧོང་ཅི་སྦཱ་བཟོ་རིག་སློབ་གཉེར་ཁང་དུ་རང་རེའི་བོད་རིགས་གསུམ་ལ་ལོ་གཉིས་ཀྱི་གཙུག་ལག་རབ་འབྱམས་པའི་སློབ་སྦྱོང་ཆེད་སློབ་ཡོན་དོད་དང། སྡོད་གནས། དེ་བཞིན་ལམ་གྲོན་བཅས་ཡོད་པའི་སློབ་ཡོན་ཞིག་གནང་གཏན་འཁེལ་སོང་བས་དགོས་ངེས་ཀྱི་ཆ་རྐྱེན་ཚང་རིགས་ནས་ཕྱི་ལོ་ ༢༠༢༡ ཟླ་ ༩ ཚེས་ ༢༠ མཚན་གུང་འགྱངས་མེད་གཤམ་གསལ་སྦྲེལ་ཐག་བརྒྱུད་འཚང་སྙན་ཕུལ་ཟིན་པ་དགོས།
འཚང་སྙན་འགེངས་ཤོག་འབུལ་ཡུལ་གྱི་སྦྲེལ་ཐག: འགེངས་ཤོག
སློབ་ཚན་ཁག
- Management 2) Information & Computer Science 3) Social Systems Science
སློབ་ཡོན་ཞུ་ལེན་གྱི་དགོས་ངེས་ཆ་རྐྱེན་དང་། དགོས་མཁོའི་ཡིག་ཆ་ཁག་གཤམ་གསལ།
༡། འཚང་སྙན་འབུལ་མི་རྣམས་བཙན་བྱོལ་བོད་མི་ཡིན་པ་གང་ཞིག་དོ་བདག་དང་ཕ་མའི་དྭང་བླངས་དཔྱ་དངུལ་ཕྱི་ལོ་ ༢༠༢༡ བར་ གཙང་འབུལ་ཟིན་ཡོད་པ་དང་། རྒྱ་གར་དུ་གནས་སྡོད་བྱེད་མཁན་ཡིན་ན་སྐྱབས་བཅོལ་ལག་དེབ་དུས་འགྱངས་བཀའ་འཁྲོལ་ཡོད་པ་ དགོས། དེའི་ཐད་ཞིབ་ཕྲའི་གནས་ཚུལ་ཁག་ “འགེངས་ཤོག-ཀ” པའི་ནང་ཁ་གསལ་བཀང་སྟེ་རང་ཉིད་གནས་ཡུལ་གྱི་ས་གནས་ འགོ་འཛིན་ནས་དག་མཆན་ཞུ་དགོས།
༢། འཚང་སྙན་འབུལ་མི་རྣམས་སྤྱི་ཡོངས་ངོས་འཛིན་ཡོད་པའི་གཙུག་ལག་སློབ་གཉེར་ཁང་ཞིག་ནས་སློབ་ཚན་གང་རུང་ཐོག་ཉེ་བའི་ གཙུག་ལག་རབ་འབྱམས་པ་ཕྱི་ལོ་ ༢༠༡༨ ནམ་དེ་རྗེས་སུ་ཐོན་པ་གང་ཞིག་ཡིག་རྒྱུགས་ཀྱི་གྲུབ་འབྲས་ཉུང་མཐར་བརྒྱ་ཆ་ ༥༠ ལོན་ པ་ཞིག་དགོས།
༣། ཕྱིར་བསྐྱོད་ལག་དེབ་སེར་པོ་དགོས་པ་དང་། གལ་ཏེ་གསར་དུ་ཞུས་ཡོད་ཚེ་དེའི་བྱུང་འཛིན་གྱི་ངོ་བཤུས་དགོས།
༤། སྤྱོད་བདེའི་ཡིག་སྒྲོམ་ (PDF) གཅིག་ནང་མཉམ་དུ་འབུལ་དགོས་པའི་ཡིག་ཆ་གཞན་ཁག (ཨིན་ཡིག་ནང་དགོས།)
- སློབ་ཡོན་འདིའི་ཁོངས་འཚང་སྙན་འབུལ་དོན་གྱི་རྩོམ་ཡིག་ཡིག་འབྲུ་ ༤༠༠ ནས་ ༥༠༠ བར་ཡོད་པ་ཞིག
- རང་ཉིད་ཀྱི་མི་ཚེའི་ལོ་རྒྱུས་སྙིང་བསྡུས་ཤོག་ངོས་གཅིག
- རང་ཉིད་ཀྱི་ཉེ་བའི་གཙུག་ལག་རབ་འབྱམས་པའི་སློབ་གཉེར་ཁང་ནས་ཞུས་པའི་ངོ་སྤྲོད་རྒྱབ་གཉེར་ཞིག
- ཉི་ཧོང་སྐད་ཡིག་སྦྱངས་པའི་ལག་འཁྱེར་ཡོད་ཚེ་དེའི་ངོ་བཤུས་ཤིག
སློབ་ཡོན་འདེམས་སྒྲུག་བརྒྱུད་རིམ་ཁག་གཤམ་གསལ།
༡། སྔོན་འགྲོའི་འདེམས་སྒྲུག་ཆེད་སྙན་འབུལ་བ་ཆ་རྐྱེན་ཚང་རིགས་རྣམས་ངག་རྒྱུགས་ལེན་རྒྱུ།
༢། གཤམ་གསལ་གྱི་ཕྱོགས་བསྡོམས་བརྒྱ་ཆ་རྩེ་བཏོག་གིས་སློབ་ཕྲུག་ ༥ འདེམས་སྒྲུག་བྱ་རྒྱུ།
ཀ། ཉེ་བའི་གཙུག་ལག་རབ་འབྱམས་པའི་རྒྱུགས་འབྲས་འཐོབ་བྱའི་བརྒྱ་ཆ་ ༡༥ ཡོད་པ་གཤམ་གསལ་ལྟར།
| S. No. | UG Aggregate | Points |
| 1 | 50-59 | 3 |
| 2 | 60-69 | 6 |
| 3 | 70-79 | 9 |
| 4 | 80-89 | 12 |
| 5 | 90-100 | 15 |
ཁ། ཉི་ཧོང་སྐད་ཡིག་སྦྱངས་པའི་ལག་འཁྱེར་ཡོད་ཚེ་བརྒྱ་ཆ་ ༥ ཡོད།
ག། ངག་རྒྱུགས་ལ་བརྒྱ་ཆ་ ༨༠ ཡོད།
༣། བརྒྱ་ཆ་རྩེ་བཏོག་གིས་བདམས་ཐོན་བྱུང་བའི་སློབ་མ་ ༥ རྣམས་ཅི་སྦ་བཟོ་རིག་སློབ་གཉེར་ཁང་ནས་དྲྭ་ཐོག་ངག་རྒྱུགས་བླང་རྒྱུ་ཡིན་ ཞིང་། ངག་རྒྱུགས་ཀྱི་དུས་ཚོད་རེའུ་མིག་གློག་འཕྲིན་བརྒྱུད་བརྡ་ལན་འབུལ་རྒྱུ།
མཆན།
༡། ད་ཆ་ཏོག་དབྱིབས་གཉན་རིམས་ཀྱི་གནས་སྟངས་ཇི་འདྲ་ཞིག་ཡོང་མིན་རྟོགས་དཀའ་བ་སོང་། ཉི་ཧོང་དུ་སློབ་སྦྱོང་བསྐྱོད་རྒྱུ་དེ་བཞིན་ ཉི་ཧོང་གཞུང་གི་ཏོག་དབྱིབས་གཉན་རིམས་གྱི་གཏན་འབེབས་ལག་བསྟར་བརྒྱུད་རིམ་ལ་རག་ལུས་ཡོད་པ་དེ་སྙན་འབུལ་བ་ཚོས་སྔོན་ ཚུད་ནས་མཁྱེན་རྟོགས་དང་དེ་འབྲེལ་གྲ་སྒྲིག་གནང་དགོས།
༢། ངག་རྒྱུགས་གི་དུས་ཚོད་རེའུ་མིག་གློག་འཕྲིན་བརྒྱུད་བརྡ་ལན་འབུལ་རྒྱུ་ཡིན་པས་སློབ་ཕྲུག་ཚོས་ནམ་རྒྱུན་ནས་བེད་སྤྱོད་གནང་བའི་ གློག་འཕྲིན་ཁ་བྱང་གནང་དགོས།
༣། གསལ་བསྒྲགས་འདི་གཟབ་ནན་གྱིས་བཀླགས་ཏེ་དགོས་མཁོའི་ཡིག་ཆ་ཁག་འཚེམས་ལུས་མེད་པར་འབུལ་དགོས། ཡིག་ཆ་མ་ཚང་ བའི་སྙན་ཞུ་རྣམས་ངོས་ལེན་བྱ་རྒྱུ་མིན། ཤེས་རིག་ལས་ཁུངས་ནས་ཕྱི་ལོ་ ༢༠༢༡ ཟླ་ ༨ ཚེས་ ༡༦ ལ།།
འབྲེལ་གཏུགས་ཞུ་ཡུལ།
བསོད་ནམས་བཟང་མོ། [email protected]
བསྟན་འཛིན་བདེ་ཆེན། [email protected]