༄༅། །དཔལ་ལྡན་ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་ཕྱི་ཚེས་ ༡ ནས་ ༤ བར་དང་། དྲུང་ཆེ་འཇིགས་མེད་རྣམ་རྒྱལ་མཆོག་ཕྱི་ཚེས་ ༡ ནས་ ༡༡ བར་གཞུང་འབྲེལ་ཕྱོགས་ཕེབས་གནང་གཏན་འཁེལ་བ་བཞིན་སྐོུ་རྣམ་གཉིས་དེ་རིང་ཞོགས་པ་ལྡི་ལིར་ཕེབས་ཐོན་གནང་ཡོད་ཅིང་། ཕྱི་ཚེས་ ༢ དང་ ༣ ཉིན་ལྡི་ལིར་སཾ་བྷོ་ཊ་བོད་སློབ་ཚོགས་པའི་འགན་ལྷན་ཚོགས་འདུར་ཆེད་བཅར་དང་། དེ་རྗེས་སྐོུ་དྲུང་ཆེ་མཆོག་དང་། སཾ་བྷོ་ཊ་སྤྱི་ཁྱབ་འགན་འཛིན་ཚེ་རིང་དོན་གྲུབ་ལགས། ཤེས་རིག་འཆར་འགོད་ཚན་པའི་འགན་འཛིན་དྲུང་གཞོན་འཇིགས་མེད་དབྱངས་ཅན་ལགས་བཅས་རྒྱ་གར་དབུས་ཁུལ་གྱི་གཞིས་ཆགས་གསུམ་སྟེ་མན་སྤར་དང་། སྦན་ད་ར། ཨོ་ཌི་ཤ་བཅས་སུ་རྟེན་གཞི་བྱས་པའི་སློབ་ཁག་ཏུ་རྟོག་ཞིབ་སླད་ཕེབས་གཏན་ཁེལ་ཡོད།
