གསར་གནས།

༄༅། །འདི་ག་ཤེས་རིག་ལས་ཁུངས་ནས་བྱིས་པའི་འགུལ་བརྙན་གཉིས་རང་རིགས་ན་ཆུང་རྣམས་ལ་༸སྐུའི་འཁྲུངས་སྐར་གྱི་ལེགས་སྐྱེས་ཚུལ་དུ་འགྲེམས་སྤེལ་གནང་ཡོད་པས་དྲྭ་ཐོག་བརྒྱུད་གཟིགས་རྒྱུ་ཡོད་པས་མ་འོངས་བོད་ཀྱི་སོན་རྩ་རྣམ་པས་དགྱེས་གཟིགས་ཡོང་བ་ཞུ།

༄༅། །ཕྱི་ལོ་ ༢༠༢༤ ཟླ་ ༧ ཚེས་ ༡ ཉིན་གྱི་ཉིན་རྒྱབ་ཆུ་ཚོད་ ༢:༣༠ ཐོག་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་བརྡ་ཆད་ཚན་པའི་གོ་སྒྲིག་འོག་བརྡ་ཆད་གཏན་འབེབས་བྱེད་ཕྱོགས་ཀྱི་ཚོགས་འདུའི་ལས་རིམ་ཞིག་དྲ་ཐོག་བརྒྱུད་སྐོང་ཚོགས་ཞུ་ཐུབ་པ་བྱུང་ཡོད།

༄༅། །བོད་མིའི་སྒྲིག་འཛུགས་ཤེས་རིག་ལས་ཁུངས་ནས་ཡིག་འགྲུལ་གྱི་ལམ་ནས་སློབ་གཉེར་བྱ་རྒྱུའི་ཆེད་སློབ་ཡོན་ས་མིག་གྲངས་ ༧༥ ཡོད་པའི་གསལ་བསྒྲགས་ཞུ་རྒྱུ་དང་སློབ་ཡོན་འདི་བཞིན་བོད་མིའི་སྒྲིག་འཛུགས་ཁྱབ་ཁོངས་དབུས་ས་གཉིས་ཀྱི་ལས་བྱེད་ཆེད་དུ་དམིགས་པ་ཞིག་ཡིན།

༄༅། །ཕྱི་ལོ་ ༢༠༢༤ ཟླ་བ་ ༠༦ ཚེས་ ༢༠ ཉིན་སཾ་བྷོ་ཊ་བོད་སློབ་ཚོགས་པའི་འགན་འཛིན་ལྷན་ཚོགས་ཐེངས་ ༠༩ དང་ ༡༧ གཉིས་སཾ་བྷོ་ཊ་མ་སུ་རི་གཏན་སློབ་ཏུ་བསྐོང་ཚོགས་གནང་ཡོད་པ་དང་ལྷན་ཚོགས་ཐོག་ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་ཆེད་ཕེབས་གནང་ཡོད།

༄༅། །ཤེས་རིག་ལས་ཁུངས་ནས་ཕྱི་ལོ་ ༢༠༢༤ ཟླ་བ་ ༦ ཚེས་ ༡༧ ནས་ ༡༩ བར་ཉིན་གསུམ་རིང་མོན་གྷོ་དགའ་ལྡན་ཤར་རྩེ་མགྲོན་ཁང་དུ་བཙན་བྱོལ་བོད་མིའི་གཞི་རིམ་གྱི་ཤེས་ཡོན་སྲིད་བྱུས་དང་རྒྱ་གར་གྱི་ཤེས་ཡོན་སྲིད་བྱུས་བཅས་ཀྱི་སྐོར་ལ་ཟབ་སྦྱོང་ཞིག་གོ་སྒྲིག་ཞུ་བཞིན་ཡོད།