གསར་གནས།

༄༅། །རྒྱ་ཆེའི་ཀློག་པ་པོ་རྣམས་ལ་ཞུ་རྒྱུར། འདས་པའི་ལོ་ངོ་སུམ་ཅུའི་རིང་འདི་ལས་ནས་ཉར་ཚགས་དང་འགྲེམས་སྤེལ་ཞུས་པའི་ལོ་རྒྱུས་རང་བཞིན་ལྡན་པའི་ཕ་ཡུལ་ཤེས་བྱའི་བང་མཛོད་གླེགས་བམ་གསུམ་ཅན་གྱི་འཕྲུལ་དེབ་དངོས་སུ་ཤེས་རིག་བོད་ཡིག་སློབ་སྦྱོང་དྲྭ་ཆིགས་ཐོག་འགོད་སྤེལ་ཞུས་ཡོད་པས། ཀུན་ནས་དོ་སྣང་དང་ཕན་ཚུན་བརྒྱུད་སྐུར་གང་མང་ཡོང་བ་ཞུ།  

༄༅། །ཕྱི་ལོ་ ༢༠༢༥ ཟླ་ ༡ ཚེས་ ༡༠ ཉིན་བཞུགས་སྒར་ངྷ་ས་ནོར་བུ་གསོལ་མགྲོན་ཁང་དུ་ཚོགས་པའི་སཾ་བྷོ་ཊ་བོད་སློབ་ཚོགས་པའི་ཁྱབ་ཁོངས་སློབ་གྲྭ་ཁག་གི་ལོ་འཁོར་འགན་འཛིན་ཚོགས་འདུ་ཐེངས་བཅུ་བདུན་པའི་དབུ་འབྱེད་མཛད་སྒོར་ཤེས་རིག་བཀའ་བློན་ལྕང་ར་ཐར་ལམ་སྒྲོལ་མཆོག་ཕེབས་ཞུགས་གནང་ཡོད།

ཤེས་རིག་ཚོགས་ཆེན་ཐེངས་བརྒྱད་པའི་ཚོགས་བཅར་བ་ཐུན་མོང་ནས་རྒྱ་གཞུང་གི་མཁྲེགས་བཟུང་སྲིད་བྱུས་ལ་མཐའ་གཅིག་ཏུ་ངོ་རྒོལ་ཡོད་པའི་གསར་འགོད་བསྒྲགས་གཏམ་སྤེལ་ཡོད།

༄༅། །ཕྱི་ལོ་ ༢༠༢༥ ཟླ་བ་ ༠༡ ཚེས་ ༠༧ ཉིན་འདི་ག་ཤེས་རིག་ལས་ཁུངས་ཀྱི་གོ་སྒྲིག་འོག་བོད་མིའི་སྒྲིག་འཛུགས་ཀྱི་སྲིད་སྐྱོང་ཚོགས་ཁང་དུ་བཙན་བྱོལ་བོད་མིའི་ཤེས་རིག་ཚོགས་ཆེན་ཐེངས་བརྒྱད་པ་དབུ་འཛུགས་གནང་ཡོད།

༄༅། །ཕྱི་ལོ ༢༠༢༥ ཟླ་བ་ ༠༡ ཚེས་ ༠༢ ཉིན་འདི་ག་ཤེས་རིག་ཤེས་ཡོན་ཚན་པའི་གོ་སྒྲིག་འོག་བཞུགས་སྒར་ཉེ་འདབས་སུ་ཆགས་པའི་ས་རཱ་སློབ་གཉེར་ཁང་དུ་སློབ་གྲྭའི་སློབ་སྤྱི་དང་དགེ་ཆེ་རྣམས་ལ་སློབ་གྲྭའི་འགོ་ཁྲིད་ཚོགས་འདུ་གནང་འགོ་ཚུགས་ཡོད།