གསར་གནས།

༄༅། །ཕྱི་ལོ་ ༢༠༢༥ ལོར་ཤེས་རིག་ལས་ཁུངས་ཀྱི་ལོ་འཁོར་སློབ་ཡོན་ཁོངས་ཉེ་བའི་གཙུག་ལག་རབ་འབྱམས་དང། ལས་རིགས་སྦྱོང་བརྡར། ཌིབ་ལོ་མ། གཙུག་ལག་རབ་འབྱམས། རིགས་གཅིག་རྐང་འཛིན། དམིགས་བསལ་སློབ་ཡོན་བཅས་སློབ་ཡོན་གྲངས་ ༦༠༥ ཡོད།…

༄༅། །འདི་ག་ཤེས་རིག་ལས༌ཁུངས་ཤེས་ཡོན་ལྷན་ཚོགས་ཡིག་ཚང་གི་གོ་སྒྲིག་འོག་གཞི་རིམ་འོག་མའི་ཨང་རྩིས་བསླབ་གཞིའི་རྩ་འཛིན་དང་། འཛིན་རིམ་དང་པོ་ནས་གསུམ་པ་བར་གྱི་སློབ་དེབ་ལ་བསྐྱར་ཞིབ་ཚོགས་འདུ་བསྐོང་ཚོགས་གནང་།

༄༅། །ཤེས་རིག་ལས༌ཁུངས་ཤེས་ཡོན་ལྷན་ཚོགས་ཡིག་ཚང་གི་གོ་སྒྲིག་འོག ཕྱི་ལོ་ ༢༠༢༥ ཟླ་བ་ ༥ ཚེས་ ༥ ནས་ ༧ བར་ཉིན་གསུམ་གྱི་རིང་ཤེས་རིག་ལས་ཁུངས་ཀྱི་ཚོགས་ཁང་དུ་གཞི་རིམ་གོང་མའི་འཛིན་རིམ་དགུ་པ་དང་བཅུ་པའི་བོད་ཡིག་བསླབ་གཞིའི་རྩ་འཛིན་དང་སློབ་དེབ་ལ་བསྐྱར་ཞིབ་ཚོགས་འདུ་བསྐོང་ཚོགས་གནང་།

༄༅། །བཙན་བྱོལ་བོད་མིའི་གཞི་རིམ་སློབ་གྲྭའི་སློབ་ཕྲུག་རྣམས་ཀྱིས་གཙོས་རང་རིགས་ན་གཞོན་རྣམས་ཀྱི་སློབ་སྦྱོང་གི་གཞོགས་འདེགས་རྒྱུ་ཆ་ཕུན་སུམ་ཇེ་ཚོགས་སུ་གཏོང་སླད་དང་། དཔའ་ངར་བློ་སྟོབས་ལྡན་པའི་མི་རབས་སྔ་མ་རྣམས་ཀྱི་རྒྱུད་འཛིན་པ་ཚད་ལྡན་ཤ་སྟག་གསོ་སྐྱོང་བྱེད་ཐབས་སུ་བོད་ཀྱི་ལོ་རྒྱུས་དང་ལོ་རྒྱུས་མི་སྣའི་རྣམ་ཐར་གོ་བདེའི་ལམ་ནས་ངོ་སྤྲོད་ཞུ་རྒྱུར་འབད་བརྩོད་བྱེད་བཞིན་ཡོད་ཅིང་། ཐེངས་འདིར་ << གསང་སྟབས་ཀྱི་བྲོས་བྱོལ། >> ཅེས་༸རྒྱལ་བ་ཀརྨ་པ་སྐུ་ཕྲེང་བཅུ་བདུན་པ་ཨོ་རྒྱན་འཕྲིན་ལས་རྡོ་རྗེ་མཆོག་དང་སྐུ་འཁོར་རྣམས་བཙན་བྱོལ་དུ་ཕེབས་པའི་དངོས་ཡོད་ལོ་རྒྱུས་ཀྱི་ཆ་ཤས་ཤིག་མུ་འབྲེལ་སྒྲུང་གཏམ་གྱི་ལམ་ནས་འདོན་སྤེལ་ཞུ་ཐུབ་པར་སྤྲོ་བ་བརྟས།

༄༅། །ཕྱི་ལོ་ ༢༠༢༥ ཟླ་བ་ ༠༤ ཚེས་ ༢༣ ཉིན་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ཕྱི་ལོ་ ༢༠༢༦ ལོའི་ཨ་རིའི་བོད་མིའི་སློབ་ཡོན་གྱི་མི་འགྲོ་འདེམས་སྒྲུག་ཆེད་སྔོན་འགྲོའི་བོད་ཡིག་དང་ཨིན་ཇིའི་ (TOEFL) ཡིག་རྒྱུགས་ལྡི་ལི་དང་སྦེང་ལོར་དུ་བཏང་གནང་ཡོད།