༄༅། །ཕྱི་ལོ་ ༢༠༢༤ ཟླ་ ༨ ནས་བཟུང་སྒྲིག་ཞུགས་རིགས་གཅིག་རྐང་འཛིན་ (Ph.D) སློབ་མཐར་ཕྱིན་པའི་བོད་ཕྲུག་རྣམས་ལ་སློབ་ཐོན་འབུམ་རམས་པར་ཆེ་བསྟོད་ལག་འཁྱེར་དང་ལེགས་སྐྱེས་སྒོར་ ༢༠༠༠༠།༠༠ གནང་རྒྱུ་ཡིན་པས། སྙན་འབུལ་བ་རྣམས་ནས་དག་མཆན་འཁོད་པའི་གཤམ་གསལ་ཡིག་ཆ་གསུམ་ཕྱི་ལོ་ ༢༠༢༥ ཟླ་ ༧ ཚེས་ ༣༡ འགྱངས་མེད་གཤམ་འོག་གི་གསང་ཐིག་ལ་བཤེར་འབེབས་སམ། ཡང་ན་གཤམ་གསལ་དྲྭ་ལམ་སྦྲེལ་ཐག་བརྒྱུད་འབུལ་དགོས།
༡། དོ་བདག་གི་དང་བླངས་དཔྱ་ཁྲལ་དངུལ་འབབ་ཕྱི་ལོ་ ༢༠༢༤ ཟླ་ ༣ ཚེས་ ༣༡ བར་ཕུལ་ཟིན་པའི་དཔྱ་ཁྲལ་ལག་དེབ་ཀྱི་ཤོག་ངོས་དང་པོ་དང་མཐའ་མ་གཉིས་ཀྱི་ངོ་བཤུས།
༢། རིགས་གཅིག་རྐང་འཛིན་ཐོན་པའི་ལག་འཁྱེར་ངོ་བཤུས།
༣། ཉམས་ཞིབ་དཔྱད་རྩོམ་གྱི་ངོ་བཤུས།
སྦྲེལ་ཐག : https://forms.gle/UnbWVRmg5Ct1Neiu8
*ཆེ་བསྟོད་ཞུ་ཡུལ།
- བཞུགས་སྒར་དྷ་ས་གཙུག་ལག་ཁང་དུ་ཕྱི་ལོ་ ༢༠༢༥ ཟླ་ ༩ ཚེས་ ༢ མང་གཙོའི་དུས་ཆེན་གཞུང་འབྲེལ་མཛད་སྒོའི་སྐབས་འབུལ་རྒྱུ།
- ལམ་གྲོན་དང་ཟུར་ཕོགས་གནང་ཕྱོགས་ཤེས་རིག་ལས་ཁུངས་ཀྱི་ཟབ་སྦྱོང་དང་། རྩོམ་སྒྱུར། དྲི་ཤོག་བཟོ་འགོད་སོགས་ཀྱི་ལས་གླ་དང་ལེགས་གསོལ་སྤྲོད་ཕྱོགས་ཀྱི་རྩ་འཛིན་ ༢༠༢༥ ལམ་སྟོན་ལྟར་གནང་རྒྱུ་དང་། གོང་གསལ་འགྲོ་གྲོན་ཁག་རྩིས་འཕེར་ཡོང་སླད་ཁང་གླ་དང་། མེ་འཁོར། སྤྱི་འཁོར་སོགས་ཀྱི་ཐོབ་འཛིན་ངོ་མ་ཆབས་འབུལ་ཞུ་དགོས།
དྭོགས་འདྲི་ཡོད་ཚེ་འབྲེལ་བ་བྱ་ཡུལ།
- བསོད་ནམས་བཟང་མོ། [email protected]
- བསྟན་འཛིན་བསམ་འགྲུབ། [email protected] ཁ་པར་ཨང་། ༧༠༡༨༡༡༡༩༨༣
ཤེས་རིག་ལས་ཁུངས་ནས་ཕྱི་ལོ་ ༢༠༢༥ ཟླ་ ༦ ཚེས་ ༥ ལ།
གསལ་བསྒྲགས་ངོ་མ།
Ph.D-Award-for-2025-Announcement-in-Tibetan