༄༅། །ཕྱི་ལོ་ ༢༠༢༤ ཟླ་ ༡༡ ཚེས་ ༦ ཉིན་འདི་ག་ཤེས་རིག་ལས་ཁུངས་ནས་ལོ་ལྟར་རྒྱ་བལ་གཉིས་སུ་ཡོད་པའི་བོད་སློབ་ཁག་གི་སློབ་ཕྲུག་རྣམས་ལ་དམིགས་ཏེ་སྒྲུང་དེབ་སྣ་མང་འདོན་སྤེལ་ཞུ་མུས་ཡིན་པར། ཐེངས་འདིར་བྱིས་སྒྲུང་བཅུ་དང་ཤོག་མཐུག་དཔེ་དེབ་གྲངས་ལྔ་པར་སྐྲུན་བྱས་ཏེ་རིན་མེད་འགྲེམས་སྤེལ་བྱེད་བཞིན་ཡོད་ལ། དཔེ་དེབ་དེ་དག་ཤེས་རིག་ལས་ཁུངས་ཀྱི་བོད་ཡིག་སློབ་སྦྱོང་དང་ (issuu.com) དྲྭ་ཚིགས་སུ་ཡར་འཇུག་ཞུ་ཡི་ཡོད་པས། དོན་གཉེར་ཅན་གྱི་རྒྱ་ཆེ་མང་ཚོགས་རྣམས་ཀྱི་ཕབ་ལེན་གནང་ཐུབ།
བྱིས་པའི་དཔེ་དེབ་འདི་དག་གི་བརྒྱུད་ནས་སློབ་ཕྲུག་རྣམས་ཀྱི་འབྲི་ཀློག་ཤེས་རྩལ་དང་། དྲན་ཤེས་དང་དོ་སྣང་ཡར་རྒྱས་འགྲོ་བ་དང་། གྲུང་ཤ་དོད་པོ་དང་གསར་གཏོད་ཀྱི་བློ་རྙེད་པར་ཕན་ཐོགས་ཡོང་ངེས་ཡིན། ལྷག་པར་དུ་ཤེས་བྱ་སྣ་ཚོགས་པ་ཤེས་རྟོགས་དང་རྒྱུས་ལོན་ཐུབ་པར་རོགས་འདེགས་བྱ་རྒྱུར་ཕན་ངེས་ཡིན།
ལས་གཞི་འདིར་ཨ་རིའི་རོགས་ཚོགས་ནས་བོད་ཀྱི་ཐེབས་རྩ་བརྒྱུད་མཐུན་འགྱུར་གནང་ཡོད།