༄༅། །བོད་མིའི་སྒྲིག་འཛུགས་ཤེས་རིག་ལས་ཁུངས་ནས་གསལ་བསྒྲགས་ཞུ་རྒྱུར། ཉི་འོང་ཅི་སྦཱ་བཟོ་རིག་སློབ་གཉེར་ཁང་ནས་རང་རེའི་བོད་རིགས་གསུམ་ལ་ལོ་གཉིས་ཀྱི་གཙུག་ལག་རབ་འབྱམས་པའི་སློབ་སྦྱོང་ཆེད་སློབ་ཡོན་དོད་དང། སྡོད་གནས། དེ་བཞིན་ལམ་གྲོན་བཅས་ཡོད་པའི་སློབ་ཡོན་ཞིག་གནང་གཏན་འཁེལ་སོང་བས་དགོས་ངེས་ཀྱི་ཆ་རྐྱེན་ཚང་རིགས་ནས་ཕྱི་ལོ་ ༢༠༢༥ ཟླ་ ༦ ཚེས་ ༢༩ འགྱངས་མེད་གཤམ་འོག་གི་གསང་ཐིག་ལ་བཤེར་འབེབས་དང་། ཡང་ན་གཤམ་གསལ་དྲྭ་ལམ་སྦྲེལ་ཐག་འབུལ་དགོས། གོང་གསལ་དུས་བཀག་གི་རྗེས་སུ་སྙན་ཞུ་འབུལ་མཁན་བྱུང་ན་རྩིས་མེད་ཡིན།
འཚང་སྙན་འགེངས་ཤོག་འབུལ་ཡུལ་གྱི་སྦྲེལ་ཐག – https://forms.gle/orgy4KpjEbCWKRS66
སློབ་ཚན་ཁག
- Master’s program in Management Science.
- Master’s program in Information and Computer Science.
སློབ་ཡོན་ཞུ་ལེན་གྱི་དགོས་ངེས་ཆ་རྐྱེན་དང་། དགོས་མཁོའི་ཡིག་ཆ་ཁག་གཤམ་གསལ།
༡། འཚང་སྙན་འབུལ་མི་རྣམས་བཙན་བྱོལ་བོད་མི་ཡིན་པ་གང་ཞིག་དོ་བདག་དང་ཕ་མའི་དྭང་བླངས་དཔྱ་དངུལ་ཕྱི་ལོ་ ༢༠༢༤ བར་གཙང་འབུལ་ཟིན་ཡོད་པ་དགོས། “འགེངས་ཤོག-ཀ” པའི་ནང་ཁ་གསལ་བཀང་སྟེ་རང་ཉིད་གནས་ཡུལ་གྱི་ས་གནས་འགོ་འཛིན་ནས་དག་མཆན་ཞུ་དགོས།
༢། འཚང་སྙན་འབུལ་མི་རྣམས་སྤྱི་ཡོངས་ངོས་འཛིན་ཡོད་པའི་གཙུག་ལག་སློབ་གཉེར་ཁང་ཞིག་ནས་སློབ་ཚན་གང་རུང་ཐོག་ཉེ་བའི་གཙུག་ལག་རབ་འབྱམས་པ་ཕྱི་ལོ་ ༢༠༢༢ དང་དེ་རྗེས་སུ་ཐོན་པ་གང་ཞིག་ཡིག་རྒྱུགས་ཀྱི་གྲུབ་འབྲས་ཉུང་མཐར་བརྒྱ་ཆ་ ༥༠ ལོན་པ་ཞིག་དགོས།
༣། སྐྱབས་བཅོལ་ལག་འཁྱེར་ (RC) རམ་རྒྱ་གར་གནས་སྡོད་ཆོག་པའི་ཡིག་ཆ་དང་། ཕྱི་བསྐྱོད་ལག་དེབ་སེར་པོའི་ངོ་བཤུས། གལ་ཏེ་ཕྱི་བསྐྱོད་ལག་དེབ་སེར་པོ་གསར་དུ་ཞུས་ཡོད་ཚེ་དེའི་བྱུང་འཛིན་གྱི་ངོ་བཤུས་དགོས།
༤། སྤྱོད་བདེའི་ཡིག་སྒྲོམ་ (PDF) གཅིག་ནང་མཉམ་དུ་འབུལ་དགོས་པའི་ཡིག་ཆ་གཞན་ཁག (ཨིན་ཡིག་ནང་དགོས།)
- རང་ཉིད་ཀྱི་མི་ཚེའི་ལོ་རྒྱུས་སྙིང་བསྡུས་ཤོག་ངོས་གཅིག་སྟེང་རང་ཉིད་ཀྱི་ཕྱེད་དཔར་ཡོད་པ།
- སློབ་ཡོན་འདིའི་ཁོངས་འཚང་སྙན་འབུལ་དོན་གྱི་རྩོམ་ཡིག་ཡིག་འབྲུ་ ༤༠༠ ནས་ ༥༠༠ བར་ཡོད་པ་ཞིག
- ཉི་འོང་སྐད་ཡིག་སྦྱངས་པའི་ལག་འཁྱེར་ཡོད་ཚེ་དེའི་ངོ་བཤུས་ཤིག
༥། རང་ཉིད་སྡེ་ཚན་གང་རུང་དུ་ལས་ཀ་བྱ་མུས་ཡིན་ཚེ་འབྲེལ་ཡོད་འགོ་འཛིན་ནས་དགག་བྱ་མེད་པའི་ངོས་སྦྱོར་ཞིག
སློབ་ཡོན་འདེམས་སྒྲུག་བརྒྱུད་རིམ་ཁག་གཤམ་གསལ།
༡། སྔོན་འགྲོའི་འདེམས་སྒྲུག་ཆེད་སྙན་འབུལ་བ་ཆ་རྐྱེན་ཚང་རིགས་རྣམས་ལ་ཕྱི་ལོ་ ༢༠༢༥ ཟླ་ ༧ ཚེས་ ༣ ཉིན་ངག་རྒྱུགས་ལེན་རྒྱུ།
༢། གཤམ་གསལ་གྱི་ཕྱོགས་བསྡོམས་བརྒྱ་ཆ་རྩེ་བཏོག་གིས་སློབ་ཕྲུག་ ༥ འདེམས་སྒྲུག་བྱ་རྒྱུ།
ཀ ཉེ་བའི་གཙུག་ལག་རབ་འབྱམས་པའི་རྒྱུགས་འབྲས་འཐོབ་བྱའི་བརྒྱ་ཆ་ ༡༥ ཡོད་པ་གཤམ་གསལ་ལྟར།
| S.No | Undergraduate (aggregate percentage) | Allotted points |
| 1 | 50-59 | 7 |
| 2 | 60-69 | 9 |
| 3 | 70-79 | 11 |
| 4 | 80-89 | 13 |
| 5 | 90-100 | 15 |
ཁ དུས་ཡུན་ལོ་གཅིག་ལས་མི་ཉུང་བའི་ཉི་འོང་སྐད་ཡིག་སྦྱངས་པའི་ལག་འཁྱེར་ཡོད་ཚེ་བརྒྱ་ཆ་ ༥ ཡོད།
ག སྔོན་འགྲོའི་འདེམས་སྒྲུག་ (ངག་རྒྱུགས་) ལ་བརྒྱ་ཆ་ ༨༠ ཡོད།
༣། བརྒྱ་ཆ་རྩེ་བཏོག་གིས་བདམས་ཐོན་བྱུང་བའི་སློབ་མ་ ༥ རྣམས་ཅི་སྦཱ་བཟོ་རིག་སློབ་གཉེར་ཁང་ནས་དྲྭ་ཐོག་ངག་རྒྱུགས་བླང་རྒྱུ་ཡིན་ཞིང་། ངག་རྒྱུགས་ཀྱི་དུས་ཚོད་རེའུ་མིག་གློག་འཕྲིན་བརྒྱུད་བརྡ་ལན་འབུལ་རྒྱུ།
འབྲེལ་གཏུགས་ཁ་བྱང་།
- Sonam Sangmo : [email protected]
- Tenzin Dechen : [email protected]