༄༅། །ཉི་འོང་རེ་ཊ་ཀུ་གཙུག་ལག་སློབ་གཉེར་ཁང་ (Reitaku University, Japan) ནས་དབུས་བོད་མིའི་སྒྲིག་འཛུགས་ཀྱི་ལས་བྱེད་གཉིས་ལ་ལོ་གཅིག་རིང་ཉི་འོང་སྐད་ཡིག་སློབ་སྦྱོང་གི་སློབ་ཡོན་ཞལ་བཞེས་བྱུང་ཡོད་པས། དགོས་ངེས་ཆ་རྐྱེན་ཚང་བ་རྣམས་ནས་ཕྱི་ལོ་ ༢༠༢༤ ཟླ་ ༨ ཚེས་ ༣༡ མཚན་མོའི་ཕྱག་ཚོད་ ༡༡།༥༩ འགྱངས་མེད་གཤམ་གསལ་སྦྲེལ་ཐག་ཁ་བྱང་བརྒྱུད་འཚང་སྙན་འབུལ་ཟིན་པ་དགོས། སློབ་ཡོན་འདིའི་ནང་སློབ་དོད། ཁང་གླ། ཕར་ཚུར་གནམ་གྲུའི་གླ་དང་སྨན་བཅོས་ཉེན་སྲུང་བཅས་ཀྱི་འགྲོ་གྲོན་ཚུད་ཡོད། སློབ་ཡོན་ཁོངས་འདེམས་སྒྲུག་བྱུང་ཚེ་དབུས་བོད་མིའི་སྒྲིག་འཛུགས་ཀྱི་སྲི་ཞུའི་ལས་བྱེད་རྣམས་ཀྱི་བླང་དོར་དང་ཐོབ་ཐང་གི་སྒྲིག་གཞི་དོན་ཚན་ཉེར་གཉིས་པའི་དགོངས་དོན་ལྟར་གཞུང་འབྲེལ་མིན་པའི་སློབ་སྦྱོང་གུང་སེང་ཞུ་དགོས།
Reitaku University Application link
སློབ་ཡོན་ཞུ་ལེན་གྱི་དགོས་ངེས་ཆ་རྐྱེན་དང་། དགོས་མཁོའི་ཡིག་ཆ་སྦྲེལ་ཐག་ཁ་བྱང་བརྒྱུད་འབུལ་དགོས་པ་ཁག་གཤམ་གསལ།
༡། འཚང་སྙན་འབུལ་མཁན་གྱི་ལས་བྱེད་གང་ཞིག་ཕྱི་ལོ་ ༢༠༢༥ ཟླ་ ༠༡ ཚེས ༠༡ བར་རང་ལོ་ ༤༠ ལས་མ་བརྒལ་བ་ཞིག་དགོས།
༢། འཚང་སྙན་འབུལ་མཁན་གྱི་ལས་བྱེད་དེ་ཉིད་ཞབས་ལོ་ལྔ་ཧྲིལ་པོ་ལོན་དགོས་པ་དང་། དེ་འབྲེལ་ལས་བྱེད་འདེམས་བསྐོ་ལྷན་ཁང་ནས་རྒྱབ་གཉེར་ཡིག་ཆུང་ཞིག་ཞུས་ཏེ་འབུལ་དགོས།
༣། ཉེ་བའི་གཙུག་ལག་རབ་འབྱམས་པའི་ལག་འཁྱེར་དང་དེའི་ངོ་བཤུས་འབུལ་དགོས།
༤། རང་ཉིད་ཀྱི་མི་ཚེའི་ལོ་རྒྱུས་སྙིང་བསྡུས་ཤིག་འབུལ་དགོས།
༥། རང་ཉིད་ནས་ཉི་འོང་སྐད་ཡིག་ཆེད་སྦྱོང་བྱེད་དགོས་དོན་སྐོར་གྱི་རྩོམ་ཡིག་ཐུང་ངུ་ཞིག་འབུལ་དགོས།
༦། འདེམས་སྒྲུག་བྱུང་བ་ནས་ཕྱིར་མ་ལོག་བར་ཕྱི་བསྐྱོད་ལག་དེབ་སེར་པོ་དུས་འགྱངས་ཡོད་པ་ཞིག་དགོས།
༧། ཉི་འོང་སྐད་ཡིག་གི་སློབ་སྦྱོང་ཐོན་རྗེས་བོད་མིའི་སྒྲིག་འཛུགས་ཀྱི་ལས་དོན་དགོས་མཁོ་ནམ་བྱུང་ལ་སྲི་ཞུ་སྒྲུབ་རྒྱུའི་འདུན་པ་ཡོད་པ་ཞིག་དགོས།
སློབ་ཡོན་འདེམས་སྒྲུག་བརྒྱུད་རིམ་ཁག་གཤམ་གསལ།
༡། ཕྱི་ལོ་ ༢༠༢༤ ཟླ་ ༩ པའི་ནང་ཉིན་འདེམས་སྒྲུག་ཚོགས་ཆུང་གི་ཚོགས་མི་ནས་ངག་རྒྱུགས་བཞེས་རྒྱུ།
༢། ངག་རྒྱུགས་བརྒྱ་ཆ་གཅིག་མཚུངས་བྱུང་ཚེ་ཞབས་ལོ་མང་བར་འདེམས་སྒྲུག་ཞུ་རྒྱུ།
ཤེས་རིག་ལས་ཁུངས་ནས་ཕྱི་ལོ་ ༢༠༢༤ ཟླ་ ༨ ཚེས་ ༢ ལ།།
འབྲེལ་གཏུག་ཞུ་ཡུལ། བསོད་ནམས་བཟང་མོ། [email protected] བསྟན་འཛིན་བདེ་ཆེན། [email protected]