འཆར་འགོད་ཚན་པ།

འཆར་འགོད་ཚན་པས་བོད་ཕྲུག་གི་ཤེས་ཡོན་དང་སློབ་གྲྭ་འཛུགས་བསྐྲུན་སོགས་ཡར་རྒྱས་ལས་གཞི་སྣ་ཚོགས་ཀྱི་ཆེད་འཛམ་གླིང་ས་ཕྱོགས་གང་སར་ཡོད་པའི་གཞུང་འབྲེལ་དང་གཞུང་འབྲེལ་མིན་པའི་ཚོགས་སྒེར་རོགས་ཚོགས་ཁག་ལ་རོགས་དངུལ་འཐབ་འཚོལ་ཆེད་འབྲེལ་ལམ་ཞུ་རྒྱུ་དང་། དེ་བཞིན་འཆར་འགོད་ཚན་པ་བརྒྱུད་ཤེས་རིག་ལས་ཁུངས་དང་སློབ་གྲྭ་ཁག་གི་ལས་གཞི་རྣམས་བོད་མིའི་སྒྲིག་འཛུགས་ཀྱི་སྒྲིག་དོན་གཞིར་བཟུང་ལས་གཞི་མཇུག་སྐྱོང་གིས་ལྡབ་སྐྱོར་མ་ཡོང་པའི་ཆེད་དུ་ལག་བསྟར་གནང་དགོས་ཐོག ལས་གཞིའི་འཆར་གཞི་འཆར་འགོད་ངོ་མ་ཟུར་འབུལ་ལྟར་དུས་ཐོག་ལག་བསྟར་གནང་མིན་གཟིགས་རྟོག་གིས་སྐབས་བསྟུན་ལམ་སྟོན་ཞུ་རྒྱུ།

འཆར་འགོད་ཚན་པའི་ལས་འགན་གཙོ་བོ་ནི །

༡།  ཤེས་རིག་ཁྱབ་ཁོངས་སློབ་གྲྭ་ཁག་གི་ཤེས་ཡོན་དང་འཛུགས་བསྐྲུན་ཡར་རྒྱས་ལས་གཞི་དག་འཆར་གཞི་བཀོད་སྒྲིག་དང་བསྡུ་རུབ་ཀྱིས་དེ་འབྲེལ་རོགས་ཚོགས་འདྲ་མིན་ནས་རོགས་དངུལ་ཐབས་འཚོལ་ཞུ་རྒྱུ། །

༢།  སློབ་གྲྭ་ཁག་ནས་ཕུལ་བའི་འཆར་གཞི་ཁག་ལ་ཞིབ་འཇུག་གིས་བསྐྱར་བཅོས་ཇི་དགོས་བཟོ་བཅོས་ཞུ་རྒྱུ། །

༣།  ལས་འཆར་ཞིབ་འཇུག་དང་བཀའ་འཁྲོལ་ཆེད་དབུས་འཆར་བྱུས་ཚོགས་ཆུང་ལ་དུས་ཐོག་འབུལ་རྒྱུ།

༤།  ལས་གཞིའི་གནས་སྟངས་དུས་མཚམས་སོ་སོར་རོགས་ཚོགས་ལ་སྙན་སེང་ཞུ་རྒྱུ།

༥།  ལས་གཞིར་ཞིབ་འཇུག་གིས་དམིགས་ཡུལ་གཞིར་བཟུང་ལས་གཞི་ལག་བསྟར་ཚུལ་བཞིན་སྒྲུབ་མིན་ངེས་གཏན་བཟོ་རྒྱུ།

༦།  རོགས་ཚོགས་ཁག་ལ་རོགས་དངུལ་ཕྱི་གསལ་ནང་གསལ་དང་འགན་འཁྲི་མཚོན་ཆེད་ལས་གཞི་སྒྲུབ་མུས་དང་བསྒྲུབས་མཚམས་ཀྱི་སྙན་ཐོ་དང་། འདྲ་པར། རྩིས་ཁྲ་བཅས་འབུལ་རྒྱུ།

བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱིས་ལོ་ངོ་བཅུ་ཕྲག་མང་པོའི་རིང་བཙན་བྱོལ་ལ་ཡོད་པའི་བོད་ཕྲུག་ཡོངས་ཀྱི་ཤེས་ཡོན་ཡར་རྒྱས་ཆེད་ འབད་བརྩོན་ཞུས་མུས་ཀྱང་། དངུལ་འདང་མིན་གྱིས་རྐྱེན་པས་ཤེས་ཡོན་ཡར་རྒྱས་དང་ཤེས་རིག་གི་དམིགས་ཡུལ་བསྒྲུབ་རྒྱུའི་ཐད་འགོག་རྐྱེན་འཕྲད་བཞིན་པར་བརྟེན། གཤམ་འཁོད་ཤེས་རིག་ལས་གཞི་གང་རུང་ལ་རོགས་དངུལ་ཆ་ཚང་ངམ་ཆ་ཤས་ཙམ་ཞིག་མཐུན་འགྱུར་གནང་སྐྱོང་ཡོང་བའི རེ་བསྐུལ་དང་བསྔགས་བརྗོད་ཞུ་རྒྱུ་ཡིན། །

ཨང་གྲངས།	ལས་གཞིའི་མིང་།	སློབ་གྲྭའི་མིང་།	དངུལ་འབོར།
༡	དགེ་ལས་ཀྱི་ལས་ཤག་བཟོ་བཅོས་དང་གསང་སྤྱོད་གསར་རྒྱག	སཾ་བྷོ་ཊ་པུ་རུ་ཝ་ལ།	༢༠༢, ༥༣༠།
༢	དགེ་ལས་ཤག་གི་གསང་སྤྱོད་བཟོ་བཅོས།	སཾ་བྷོ་ཊ་དྷོ་ལན་ཇི།	༢༦༦, ༢༣༣།
༣	དགེ་ལས་ཀྱི་ལས་ཤག་ཏུ་ནང་ཆས་གསར་ཉོ།	སཾ་བྷོ་ཊ་རཱ་ཝང་ལ།	༢༥༦,༦༥༠།
༤	ཀམ་པུ་ཊར་འཛིན་གྲྭར་ཀམ་པུ་ཊར་གསར་ཉོ།	སཾ་བྷོ་ཊ་མེའོ།	༩༣༦,༨༤༢།
༥	དཔེ་མཛོད་ཡར་རྒྱས།	སཾ་བྷོ་ཊ་མེའོ།	༢༦༥,༢༥༤།
༦	ཡིག་ཚང་དུ་པར་སྐྲུན་འཕྲུལ་འཁོར་གསར་ཉོ།	སཾ་བྷོ་ཊ་མེའོ།	༡༤,༧༩༢།
༧	དགེ་ལས་ཀྱི་ལས་ཤག་བཟོ་བཅོས།	སཾ་བྷོ་ཊ་དཔེ་སྟོན་སློབ་གྲྭ།	༢༠༩,༦༥༧།
༨	སློབ་གྲྭའི་རྭ་བ་གསར་རྒྱག།	སཾ་བྷོ་ཊ་ལོ་ཝར་སིང་།	༢,༧༨༧,༢༣༤།
༩	དགེ་ལས་ཀྱི་ལས་ཤག་ཏུ་གློག་རྒྱུན་སྒྱུར་ཆས་གསར་ཉོ།	སཾ་བྷོ་ཊ་ཀོ་ལེ་གྷལ།	༦༩༡,༩༥༨།
༡༠	འཛིན་ཁང་རྙིང་པ་རྣམས་དགེ་ལས་ཀྱི་ལས་ཤག་ཏུ་བཟོ་བཅོས་ཞུ་རྒྱུ། །	སཾ་བྷོ་ཊ་གུ་རུ་པུ་ར།	༥༢༠,༢༡༠།
༡༡	སློབ་གྲྭའི་ཁང་པའི་ཕྱི་ལ་ཚོན་རྩི་གཏོང་རྒྱུ།	སཾ་བྷོ་ཊ་གུ་རུ་པུ་ར། །	༧༤༧,༣༦༨།
༡༢	ཨང་རྩིས་ཁྲིད་ཆས་གསར་ཉོ་དང་འཛིན་ཁང་བཟོ་བཅོས།	སཾ་བྷོ་ཊ་གྷོ་ཌན་གང་།	༡༡༤,༦༩༣
༡༣	སི་སྤོལ་རྩེད་ཐང་བཟོ་བཅོས།	སཾ་བྷོ་ཊ་ཅན་དྷི་གྷི་རི།	༦༣༤, ༢༡༡།
༡༤	དགེ་ལས་ཀྱི་ལས་ཤག་གསར་རྒྱག	སཾ་བྷོ་ཊ་སྦེལ་ཀོབ།	༥,༤༠༤,༤༦༨།
༡༥	འཛིན་ཁང་རྙིང་པ་བཟོ་བཅོས།	སཾ་བྷོ་ཊ་སྦེལ་ཀོབ།	༤,༡༦༧,༦༦༠།
༡༦	འཛིན་ཁང་གི་ཐོག་བཟོ་བཅོས།	སཾ་བྷོ་ཊ་ཀོ་ལེ་གྷལ། །	༡,༩༢༡,༥༠༠།
༡༧	འཛིན་ཁང་གི་སྒོ་དང་སྒེའུ་ཁུང་བཟོ་བཅོས།	སཾ་བྷོ་ཊ་ཀོ་ལེ་གྷལ། །	༦༨༣,༨༦༧།
༡༨	འཛིན་ཁང་ལ་ཚོན་རྩི་གཏོང་རྒྱུ།	སཾ་བྷོ་ཊ་ཀོ་ལེ་གྷལ། །	༦༡༥,༣༠༢།
༡༩	དགེ་ལས་ཀྱི་ལས་ཤག་བཟོ་བཅོས།	སཾ་བྷོ་ཊ་སི་ཝི་པི་སྦེ ལ་ཀོབ། །	༡,༩༠༧,༣༠༢།