སཾ་བྷོ་ཊ་བོད་སློབ་ཚོགས་པའི་སྤྱི་ཁྱབ་འགན་འཛིན་གསར་པ་བསྐོ་གཞག བོད་མིའི་སྒྲིག་འཛུགས་ཤེས་རིག་ལས་ཁུངས་ནས་སཾ་བྷོ་ཊ་བོད་སློབ་ཚོགས་པའི་སྤྱི་ཁྱབ་འགན་འཛིན་གསར་པ་བསྐོ་གཞག་གནང་རྒྱུར། ད་ཡོད་སཾ་བྷོ་ཊའི་ཁྱབ་ཁོངས་འགན་འཛིན་ཁྲོད་ཆ་རྐྱེན་ཚང་བའི་ཁོངས་ནས་སྤོན་ཊ་གཏན་སློབ་ཀྱི་སློབ་སྤྱི་རྣམ་རྒྱལ་ཡར་འཕེལ་ལགས་འདེམས་ཏེ་ཕྱི་ལོ་ ༢༠༡༧ ཟླ་ ༣ ཚེས་ ༦ ཉིན་ནས་སཾ་བྷོ་ཊ་བོད་སློབ་ཚོགས་པའི་སྤྱི་ཁྱབ་འགན་འཛིན་གསར་པར་བསྐོ་གཞག་མཛད་པ་དང་། ཕྱི་ལོ་ ༢༠༡༧ ཟླ་ ༣ ཚེས་ ༧ ཉིན་འགན་འཛིན་ལས་ཚབ་ཚེ་དབང་ནོར་བུ་ལགས་ནས་སྤྱི་ཁྱབ་འགན་འཛིན་གྱི་ལས་འགན་རྣམས་འགན་འཛིན་གསར་པ་རྣམ་རྒྱལ་ཡར་འཕེལ་ལགས་སུ་རྩིས་སྤྲོད་ལེགས་པར་གནང་རྗེས། ཕྱི་ལོ་ ༢༠༡༧ ཟླ་ ༣ ཚེས་ ༡༣ སྔ་དྲོ་ཆུ་ཚོད་ ༡༠།༣༠ ཐོག་ཤེས་རིག་བཀའ་བློན་དངོས་གྲུབ་ཚེ་རིང་མཆོག་དང་། དྲུང་ཆེ་སྣང་ས་ཆོས་སྒྲོན་ལགས། དྲུང་ཚབ་ཀརྨ་སེང་གེ་ལགས་བཅས་མཇལ་བཅར་ཞུས་ཤིང་ཤེས་རིག་གི་མཛད་གཙོ་རྣམ་པས་སཾ་བྷོ་ཊའི་འགན་འཛིན་གསར་པར་འཚམས་འདྲི་དང་བཀའ་སློབ་ལམ་སྟོན་སོགས་གནང་བ་བཅས།

A Group Photo Kalon Ngodup Tsering and his team of Scholarship program met with officials from Vimala Association represented by Ms. Debbie Carrani and Ms. Mimmi Guglielmone on the afternoon of February…