རྡ་ས་གངས་སྐྱིད་སྤྱི་ཐབ་ཡང་སྟེང་ཚོགས་ཁང་དུ་བོད་གཞུང་ཤེས་རིག་ལས་ཁུངས་ནས་གོ་སྒྲིག་ཐོག་འཛིན་རིམ་བཅུ་གཉིས་ཐོན་པ་ཁག་གཅིག་ལ་མཐོ་རིམ་སློབ་ཁག་ནང་ཇི་ལྟར་འཛུལ་ཞུགས་བྱེད་དགོས་ཀྱི་རྒྱུས་སྟོན་ཐེངས་བདུན་པ་གནང་ཡོད། སྔ་དྲོ་མདུན་ལམ་སློབ་སྟོན་གྱི་འགན་འཛིན་ནས་ངོ་སྤྲོད་གསུང་བཤད།
བཀའ་བློན་ལྕང་ར་ཐར་ལམ་སྒྲོལ་མ་མཆོག་མེས་དབོན་གཙུག་ལག་དཔེ་སྟོན་སློབ་གྲྭ་དབུ་བརྙེས་ནས་ལོ་ངོ་ ༡༩ འཁོར་བའི་མཛད་སྒོར་སྐུ་མགྲོན་གཙོ་བོར་ཕེབས་པ།
༄༅། །ཕྱི་ལོ་ ༢༠༢༤ ཟླ་བ་ ༡༠ ཚེས་ ༡༠ ཉིན་མེས་དབོན་གཙུག་ལག་དཔེ་སྟོན་སློབ་གྲྭ་དབུ་བརྙེས་ནས་ལོ་ངོ་ ༡༩ འཁོར་བའི་མཛད་སྒོའི་སྐུ་མགྲོན་གཙོ་བོར་བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་དང་། དྲུང་འཕར་བསྟན་འཛིན་པདྨ་ལགས། དེ་བཞིན་གངས་སྐྱིད་མེས་དབོན་གཙུག་ལག་དཔེ་སྟོན་སློབ་གྲྭའི་དགེ་རྒན་དང་། ཕ་མ། སློབ་ཕྲུག་བཅས་ཚང་འཛོམས་གནང་ཡོད།
སྐུའི་གོ་སྟོན་ཆེད་བྱིས་སྒྲུང་རྩོམ་འབྲིའི་གསལ་བསྒྲགས།
༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་དགུང་གྲངས་ ༩༠ བཞེས་པའི་གོ་སྟོན་ལ་མགོན་པོ་གང་ཉིད་ཀྱི་བཀའ་དྲིན་ཆ་ཕྲ་མོ་ཞིག་གསབ་ཕྱིར་དང་། མཆོད་པའི་མེ་ཏོག་ཅིག་གི་ཚུལ་དུ། ཐུགས་བསྐྱེད་དམ་བཅའ་བཞིའི་སྟེང་གཞི་རིམ་འོག་མ་དང་བར་མའི་སློབ་ཕྲུག་གི་གནས་ཚད་དང་འཚམས་པའི་བྱིས་སྒྲུང་བརྙན་དེབ་བཞི་འདོན་སྤེལ་ཞུ་རྒྱུ་ལགས་ན། མཁྱེན་ཡངས་རྩོམ་པ་པོ་གང་མང་མཉམ་བཞུགས་ཡོང་བའི་འབོད་སྐུལ་ཞུ་བཞིན་ཡོད།
ཆོས་ལུགས་ལ་མ་བརྟེན་པའི་བཟང་སྤྱོད་སློབ་སྤེལ་ལས་རིམ་ལེགས་གྲུབ་ཟིན་པ།
༄༅། །འདི་ག་ཤེས་རིག་ལས་ཁུངས་ཤེས་ཡོན་ལྷན་ཚོགས་ཡིག་ཚང་གི་གོ་སྒྲིག་འོག ཤེས་རིག་ལས་ཁུངས་ཀྱི་ཆོས་ལུགས་ལ་མ་བརྟེན་པའི་བཟང་སྤྱོད་སློབ་སྤེལ་གྱི་རྒྱུས་སྟོན་པ་དགེ་བཤེས་ལྷ་རམས་པ་ཡེ་ཤེས་རྒྱལ་མཚན་ལགས་ཀྱིས་རྒྱ་གར་ལྷོ་ཕྱོགས་དང་། བྱང་ཕྱོགས་ཁུལ་དུ་མཐོ་སློབ་འགྲིམ་བཞིན་པའི་བོད་པའི་སློབ་ཕྲུག་རྣམས་ལ་ཆོས་ལུགས་ལ་མ་བརྟེན་པའི་བཟང་སྤྱོད་སློབ་སྤེལ་གྱི་གོ་རྟོགས་ལས་རིམ་ལེགས་གྲུབ་ཟིན།
