གསར་གནས།

༄༅། །ཕྱི་ལོ་ ༢༠༢༤ ཟླ་བ་ ༩ ཚེས་ ༡༦ ནས་ ༢༦ བར་འདི་ག་ཤེས་རིག་བརྡ་ཆད་ཚན་པས་རྒྱ་གར་དབུས་ཁུལ་དུ་རྟེན་གཞི་བྱས་པའི་བོད་མིའི་གཞིས་ཆགས་ཨོ་ཌི་ཤ་ཕུན་ཚོགས་གླིང་དང་། མན་སྤར་ཕན་བདེ་གླིང་། སྦན་ད་ར་ནོར་རྒྱས་གླིང་བཅས་སུ་ཐ་སྙད་གོ་རྟོགས་ཀྱི་ལས་རིམ་ཞིག་སྤེལ་ཡོད།

༄༅། །བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་གོ་སྒྲིག་འོག་བསུ་ན་མདའ་བཀྲ་ཤིས་གླིང་མཉམ་འབྲེལ་ཚོགས་ཁང་དུ་ཕྱི་ལོ་ ༢༠༢༤ ཟླ་བ་ ༩ ཚེས་ ༢༥ ནས་ཟླ་བ་ ༡༠ ཚེས་ ༡ བར་གྱི་བྱང་ཤར་ཁུལ་གྱི་གཏན་ཉིན་སློབ་གྲྭ་ཁག་གི་རིགས་ལམ་འདུ་འཛོམས་དབུ་འབྱེད་གནང་ཡོད།

བོད་མིའི་སྒྲིག་འཛུགས་ཤེས་རིག་ལས་ཁུངས་དང་པཱ་ལམ་པུར་ཚན་རིག་ལྟེ་གནས་ཁང་གཉིས་ཟུང་འབྲེལ་ཐོག་ཕྱི་ལོ་ ༢༠༢༤ ཟླ་བ་ ༩ ཚེས་ ༡༦ ནས་ ༢༠ བར་སློབ་གྲྭའི་ཚན་རིག་བརྟག་དཔྱད་ཁང་གི་དོ་དམ་དགེ་རྒན་རྣམས་ལ་ནུས་པ་གོང་འཕེལ་གྱི་ཉིན་ལྔའི་རིང་ཟབ་སྦྱོང་ལེགས་གྲུབ་བྱུང་ཡོད།

༄༅། །འདི་ག་ཤེས་རིག་ཤེས་ཡོན་ལྷན་ཚོགས་ནས་ལོ་ལྟར་དགེ་རྒན་གྱི་ཁྱད་ལས་ཡར་རྒྱས་དང་། ཤེས་ཡོན་དང་ཉམས་མྱོང་བརྗེ་རེས་ཆེད་ལོ་གཅིག་རིང་དགེ་སློབ་རྩོམ་འབྲིའི་ལས་རིམ་ཐེངས་གཉིས་སྤེལ་གྱི་ཡོད་པ་ལྟར་ད་ཐེངས་དགེ་སློབ་གང་མང་མཉམ་ཞུགས་གནང་རོགས།